ટંકારાના બંગાવડી ગામે રિસામણે બેઠેલ ભત્રીજી માટે કાકીને બે મહિલા સહિત ત્રણ વ્યક્તિએ માર માર્યો

ટંકારાના બંગાવડી ગામે આવેલ બંગાપીરની દરગાહે મોરબીના મહિલાને તેની ભત્રીજી રિસામણે બેઠેલ છે તે બાબતનો ખાર રાખીને માર મારવામાં આવ્યો હતો અને તેના સગાઓએ જ માર માર્યો હોવાથી હાલમાં મહિલાએ ટંકારા તાલુકા પોલીસ સ્ટેશને બે મહિલા સહિત ત્રણ વ્યક્તિઓની સામે ફરિયાદ નોંધાવતાં પોલીસે આગળની કાર્યવાહી કરેલ છે

મોરબીની ઘાંચી શેરીમાં રહેતા સાદીકાબેન કાદરભાઈ ગાલબ તેની ભત્રીજી સાથે ટંકારાના બંગાવડી ગામ પાસે આવેલ બંગાપીરની દરગાહે ઉર્ષમાં ગયા હતા ત્યારે મદીનાબેન હુસેનભાઈ ગાલબ, રોજમીનબેન આસિફભાઈ રહે. બંને મોરબી અને હનીફભાઈ નૂરભાઈ માડકીયા રહે. ટંકારા વાળાઓએ સાદીકાબેનની સાથે રહેલા સરતાજબેનને “તુ રીસામણે ગયેલ છો તે વાત સારી નથી” તેવું કહ્યું હતું ત્યારે ફરિયાદી સાદીકાબેને વડીલો સાથે વાત કરવા મત કહ્યું હતુ જેથી કરીને બંને મહિલા સહિત ત્રણેય આરોપીઓ ગાળો આપી હતી અને થપાટ મારીને તેમજ લાકડી વડે માર માર્યો હતો. જેથી મહિલાએ નોંધાવેલ ફરિયાદ આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી છે

એક બોટલ દારૂ

મોરબીના મહેન્દ્રનગર નજીક આવેલ હરિગુણ સોસાયટીમાંથી નીકળતા યુવાનને રોકીને પોલીસે ચેક કર્યો હતો ત્યારે તેની પાસેથી દારૂની એક બોટલ મળી આવી હતી જેથી પોલીસે મિતુલ નવનીતભાઈ ભડાણીયા (૨૯) નામના શખ્સની પોલીસે ૧૫૦૦ રૂપિયાની બોટલ સાથે ધરપકડ કરેલ છે અને આગળની કાર્યવાહી કરલે છે