મોરબી નજીક ટાઇલ્સના કારખાનામાં માટી ખાતાના મશીનમાં માથુ આવી જતાં મહિલાનું મોત
SHARE
JOIN OUR GROUP
મોરબી નજીક ટાઇલ્સના કારખાનામાં માટી ખાતાના મશીનમાં માથુ આવી જતાં મહિલાનું મોત
મોરબીના ભડીયાદ રોડ ઉપર આવેલ ટાઇલ્સના કારખાનામાં માટી ખાતામાં કામગીરી દરમિયાન મજૂર મહિલાનું માથું મશીનમાં આવી ગયું હતું જેથી કરીને તેનું માથું મશીનમાં આવી ગયું હતું જેથી માથું દબાઈ જતાં તેનું મોત નીપજયું હતું અને મૃતક મહિલાના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને અકસ્માત મૃત્યુના આ બનાવની કારખાનેદાર દ્વારા મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે.
બનાવની જાણવા મળતી માહિતી પ્રમાણે મોરબીના ભડીયાદ ગામ નજીક આવેલ ડેલ્ટા ટાઇલ્સ ઇન્ડિયા એલએલપી નામના કારખાનાના માટી વિભાગની અંદર કામ કરતી મૂળ એમપીની રહેવાસી અને હાલમાં કારખાનામાં મજૂરી કામ કરતી અને લેબર કવાર્ટરમાં રહેતા કલાબાઈ માંગીલાલ મેવાડા જાતે માલવી (૪૩) માટી વિભાગમાં કામ કરી રહી હતી ત્યારે વહેલી સવારે ચારેક વાગ્યા પહેલા કોઈ પણ સમયે કામગીરી દરમિયાન મશીનમાં મહિલાનું માથું આવી ગયું હતું જેથી કરીને મશીનમાં માથું દબાઈ જતાં મહિલાને માથામાં ગંભીર ઇજા થવાના કારણે તેનું ઘટના સ્થળે જ મોત નીપજયું હતું ત્યારબાદ અકસ્માત મૃત્યુના આ બનાવની કારખાનેદાર કાંતિભાઈ બચુભાઈ બરાસરા જાતે પટેલ (૫૪) રહે. મહેન્દ્રનગર ક્રાંતિ જ્યોત સોસાયટી મોરબી વાળાએ મોરબી તાલુકા પોલીસને જાણ કરી હતી અને મૃતક મહિલાના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા હાલમાં અકસ્માત મૃત્યુના આ બનાવની મોરબી તાલુકા પોલીસે નોંધ કરીને આગળની તપાસ હેડ કોન્સટેબલ એ.એલ.પરમાર ચાલવી રહ્યા છે.
બાઇક સ્લીપ
મોરબીમાં સિવિલ હોસ્પિટલ પાસે આવેલ ગાંધી ચોક નજીકથી યુવાન તેનું બાઇક લઈને પસાર થતો હતો ત્યારે કોઈ કારણોસર તેનું બાઈક સ્લીપ થઈ ગયું હતું જેથી મોરબીના નવલખી રોડ ઉપર આવેલ યમુનાનગરમાં રહેતો અમિત જગદીશભાઈ સેજપાલ (૩૭) નામનો યુવાન ઈજાગ્રસ્ત થયો હોવાથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની સિવિલ હોસ્પિટલ મારફતે મોરબી એ ડિવિઝન પોલીસને જાણ કરવામાં આવી છે.
