મોરબી નગરપાલિકાને ફાઇનલ જવાબ રજૂ કરવા 16મી સુધીનું અલ્ટીમેટમઃ શહેરી વિકાસ વિભાગ
Morbi Today
હવે ખરાખરી: મોરબી પાલિકામાં આવતી કાલે સવારે સાડા દસ કલાકે જનરલ બોર્ડની બેઠક
SHARE
JOIN OUR GROUP
મોરબી પાલિકામાં આવતી કાલે સવારે સાડા દસ કલાકે જનરલ બોર્ડની બેઠક
મોરબી નગરપાલિકા પાસે શહેરી વિકાસ વિભાગ દ્વારા આગામી તારીખ 16 મી સુધીમાં જનરલ બોર્ડના ઠરાવ સાથેનો જવાબ માગવામાં આવ્યો છે જેથી કરીને આવતીકાલે તારીખ 15 ના રોજ સવારે 10:30 કલાકે મોરબી નગરપાલિકાના સભાખંડમાં જનરલ બોર્ડ બેઠક બોલાવવામાં આવી છે જેમાં ગત જનરલ બોર્ડની બેઠકમાં જે મુદ્દાને સર્વાનુમતે પહેલા જાહેરમાં નામંજૂર કરવામાં આવ્યો હતો ત્યાર બાદ ખાનગીમાં પેન્ડિંગ રાખવામાં આવ્યો છે ! તે મુદ્દાને ફરી પાછો આ જનરલ બોર્ડની અંદર લેવામાં આવ્યો હોવાનું સૂત્રો પાસેથી જાણવા મળી રહ્યું છે
મોરબી નગરપાલિકાને સુપર સીડ કરવા માટેની કવાયત છેલ્લા ઘણા સમયથી સરકાર દ્વારા કરવામાં આવી રહી છે અને નગરપાલિકાને કારણદર્શક નોટિસ પણ આપવામાં આવી છે અને પાલિકાએ સ્પષ્ટ જવાબ આપવાના બદલે અગાઉ લૂલો જવાબ આપ્યો હતો અને ત્યાર પછી પાલિકાના સભ્યો દ્વારા તેનો સ્વતંત્ર જવાબ વકીલ મારફતે રજૂ કરવામાં આવ્યો હતો જો કે તેને માન્ય રાખવામાં આવ્યો નથી અને પાલિકા પાસે જનરલ બોર્ડના ઠરાવ સ્વરૂપે ફાઈનલ જવાબ આગામી તારીખ 16 મી સુધીમાં માંગવામાં આવ્યો છે જેથી કરીને મોરબી નગરપાલિકા દ્વારા આવતીકાલે તારીખ 15 ના રોજ સવારે 10:30 વાગ્યે પાલિકાના સભા ખંડમાં જનરલ બોર્ડની બેઠક બોલાવવામાં આવી છે જેમાં છેલ્લે મળેલ જનરલ બોર્ડની બેઠકમાં પહેલા સર્વાનુમતે જાહેરમાં ના મંજૂર કરવામાં આવેલ અને ત્યાર પછી પેઇન્ડીંગ રાખવામાં આવેલ એજન્ડા સહિતના એજન્ડાને લેવામાં આવ્યા છે અત્રે ઉલ્લેખની છે કે છેલ્લે જ્યારે પાલિકામાં જનરલ બોર્ડ ની બેઠક મળી હતી ત્યારે શહેરી વિકાસ વિભાગ દ્વારા નોટિસ આપવામાં આવી છે તે એજન્ડાને પ્રાધાન્ય આપીને અન્ય એજન્ડાઓ નથી લેવામાં આવ્યા તેવું કહેવામાં આવ્યું હતું અને ત્યારે જે એજન્ડા પેન્ડિંગ રાખવાના બદલે સર્વાનુમતે જાહેરમાં નામંજૂર કર્યા હતા તે એજન્ડાને આવતીકાલે મળનાર ખાસ સાધારણ સભામાં પાછા લેવામાં આવ્યા છે તેની સાથોસાથ વળતર યોજનાનો એજન્ડા પણ એડ કરવામાં આવ્યો હોવાનું જાણવા મળ્યું છે
