વાંકાનેરના રાણેકપર-પલાસ ગામમાં કાલે સર્વરોગ નિદાન કેમ્પ યોજાશે
Morbi Today
માળીયા (મી)ના સરવડ ગામે કે.પી. હોથી વિદ્યાલયમાં દેશી રમતનો ખેલ મહાકુંભ યોજાશે
SHARE
JOIN OUR GROUP
માળીયા (મી)ના સરવડ ગામે કે.પી. હોથી વિદ્યાલયમાં દેશી રમતનો ખેલ મહાકુંભ યોજાશે
ટેકનોલોજી અને મોબાઈલના સમયમાં બાળકો અને મોટેરાઓ સહિત સૌને શેરી રમત રમવાનું વિસરાઈ ગયું છે. ત્યારે બાળકોમાં સમૂહ ભાવના, ખેલદિલી, ચપળતા, એકાગ્રતા, શારીરિક અને માનસિક કૌશલ્યના વિકાસના હેતુસર પ્રતિવર્ષની જેમ આ વર્ષે પણ સરવડ મુકામે તા.૨૮ ફેબ્રુઆરીને મંગવારના રોજ નવરંગ નેચરલ કલબ રાજકોટ તેમજ શ્રી કે.પી. હોથી ઉચ્ચતર માધ્યમિક વિદ્યાલય સરવડના સ્ટાફ મિત્રોના સહયોગથી સવારથી બપોર સુધી ધોરણ ૯ થી ૧૨ ના ૧૬૫ થી વધુ બાળકોને સરવડ હાઈસ્કૂલના મેદાનમાં એક સાથે વિવિધ ૧૫ પ્રકારની જૂની દેશી રમતો રમાડવામાં આવશે
રાજકોટ નવરંગ નેચર કલબના વી.ડી. બાલા તથા નિવૃત્ત આચાર્ય નાનજીભાઈ સિણોજીયાના માર્ગદર્શન હેઠળ વિવિધ રમતો જેવી કે પૈડા દોડ, ત્રીપગી દોડ, ડબલા ડૂલ, રસા ખેંચ, દેડકા દોડ, લીંબુ ચમચી, કોથળા દોડ, સાંઢીયા દોડ, રોપ વે, નારગોલ, ફુગાફોડ, પૈડા ખેંચ , સંગીત ખુરશી વગેરે જેવી વિવિધ રમતો રમાડશે. આ રમત કોઈપણ પ્રકારના હારજીત કે હરીફાઈ વગર સૌ રમે સૌ જીતેની થીમ ઉપર રમાડવામાં આવશે.બાળકો દરરોજ મોબાઈલના વળગારમાથી દૂર રહે, શારીરિક ક્ષમતા વિકસિત થાય અને સંઘ ભાવના વિકસે તેમજ પોતાની શેરીમાં જૂની રમતો ફરીથી રમતા થાય તેવો હેતુ છે.રમત રમનાર દરેક બાળકો તેમજ અભ્યાસ કરનાર તમામ બાળકોને સરવડ હાઈસ્કૂલના શિક્ષકોના આર્થિક સહયોગથી બપોરે ભોજન કરાવવામાં આવશે.આ રમત ઉત્સવ ખૂબ જ સફળ થશે એ પ્રકારનું પૂર્વ આયોજન શાળાના ઇન્ચાર્જ આચાર્ય ચંદ્રેશભાઇ અગ્રાવત અને શાળાના તમામ સ્ટાફ મિત્રોએ કરેલ છે.
