મોરબી : વાંકાનેરમાં પરસોતમ રૂપાલાની સભા પૂર્વે વિરોધ, સરધારકા ગામે ગામમાં પ્રવેશબંધીના બેનર લાગ્યા
SHARE
JOIN OUR GROUP
મોરબી : વાંકાનેરમાં પરસોતમ રૂપાલાની સભા પૂર્વે વિરોધ, સરધારકા ગામે ગામમાં પ્રવેશબંધીના બેનર લાગ્યા
મોરબી જિલ્લાના વાંકાનેરમાં રાજકોટ બેઠકના ભાજપના ઉમેદવાર પરસોતમભાઇ રૂપાલાની સભા પૂર્વે ક્ષત્રિય સમાજ દ્વારા વિરોધ પ્રદર્શન કરી સુત્રેચાર કરવામાં આવ્યા હતા.વાંકાનેરના કુંભારપરાથી સિંધાવદર દરવાજા સુધી રૂપાલા હાય હાયના નારા સાથે વિરોધ કરવામાં આવ્યો હતો.ક્ષત્રિય સમાજની બહેન-દીકરીઓ વિશે અગાઉ પરસોતમ રૂપાલાએ કરેલી ટિપ્પણીની સામે વિરોધ વ્યક્ત કરવા વિરોધ પ્રદર્શન કરવામાં આવ્યુ હતુ.વિરોધ પ્રદર્શન કરવા માટે નીકળેલા ક્ષત્રિય સમાજના અગ્રણીઓની વાંકાનેર પોલીસે ડિટેઇન કર્યા હતા.ઉલ્લેખનીય છે કે વિરોધ વ્યક્ત કરવા છતાં પણ પરસોત્તમ રૂપાલાની ટિકિટ રદ ન થતા હવે ઉગ્ર આંદોલન શરૂ થયું છે.વાંકાનેર માર્કેટ ચોકમાં ભાજપનાં લોકસભા કાર્યાલય ઉદઘાટન માટે પરસોતમ રૂપાલા આવવાંના થોડા સમય પહેલા જ વિરોધ પ્રદર્શન કરાયુ હતુ.તેમજ વાંકાનેરના જ સરધારકા ગામે સરધારકા સમસ્ત રાજપૂત સમાજ દ્વારા 'પરસોતમ રૂપાલા બાઈકોટ' જ્યાં સુધી ટિકિટ રદ ન થાય ત્યાં સુધી ભાજપના કોઈ વ્યક્તિએ ગામમાં પ્રવેશ કરવો નહીં તેવા બેનર લગાવીને વિરોધ વ્યક્ત કરવામાં આવ્યો હતો.નોંધનીય છે કે હવે માત્ર પરષોત્તમ રૂપાલાનો જ નહીં પરંતુ ભાજપનો જ વિરોધ શરૂ થયો છે.જે ભાજપ માટે પણ વિચારવા યોગ્ય બાબત બની ગઈ છે.
