વાંકાનેરમાં કાર ચાલકે ડબલ સવારી બાઈકને હડફેટે લેતા પુત્રનું મોત: ઇજા પામેલ પિતા સારવારમાં
SHARE
![News Image](https://morbitoday.com/assets/blog/1716354579.jpg)
![](https://morbitoday.com/assets/images/advertisement/1725609793.jpg)
![](https://morbitoday.com/assets/images/advertisement/1717352591.jpg)
![](https://morbitoday.com/assets/images/advertisement/1725604583.jpg)
વાંકાનેરમાં કાર ચાલકે ડબલ સવારી બાઈકને હડફેટે લેતા પુત્રનું મોત: ઇજા પામેલ પિતા સારવારમાં
વાંકાનેરના નવાપરામાં વાસુકી દાદાના મંદિર પાસેથી ડબલ સવારી બાઈક પસાર થઈ રહ્યો હતો ત્યારે અલ્ટો ગાડીના ચાલકે તે બાઇકને હડફેટે લીધૂ હતું અને અકસ્માતનો બનાવ બન્યો હતો જેમાં બાઈક ઉપર જઈ રહેલા પિતા પુત્રને ઇજાઓ થઈ હતી અને પુત્રને વધુ ઈજા હોવાથી તેનું મોત નીપજ્યું હતું જે બનાવ સંદર્ભે હાલમાં મૃતકના પિતાએ વાંકાનેર સીટી પોલીસ સ્ટેશન ખાતે અલ્ટો ગાડીના ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ વાંકાનેરના વીસીપરા ગોડાઉન રોડ ઉપર રહેતા અને મજૂરી કામ કરતા અનવરભાઈ હુસેનભાઇ બુખારી જાતે સૈયદ (૫૦)એ હાલમાં અલ્ટો ગાડી નંબર જીજે ૧૩ એલએલ ૬૦૧૪ ના ચાલક સામે વાંકાનેર સિટી પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, ગત તા. ૧૭/૫ ના રાત્રીના ૧૦:૩૦ વાગ્યાના અરસામાં તેઓ તેના દીકરા અહમદરજા અનવરભાઈ બુખારી (૧૭) સાથે ડબલ સવારી બાઈકમાં નવાપરા વાસુકી દાદાના મંદિર પાસેથી જઈ રહ્યા હતા ત્યારે તેઓના બાઈક નંબર જીજે ૩ ડીઇ ૭૮૮૯ ને કારના ચાલકે હડફેટે લીધું હતું જેથી કરીને અકસ્માતનો બનાવ બનેલ હતો અને અકસ્માતના આ બનાવમાં ફરિયાદી તથા તેના દીકરાને ઈજાઓ થઈ હતી અને ફરિયાદીના દીકરા અહેમદરજા બુખારીને ગંભીર ઈજા થઈ હોવાથી તેનું મોત નીપજ્યું હતું અને ફરિયાદીને પણ જમણા હાથ તેમજ પીઠના ભાગે ઇજાઓ થઇ હોવાથી હાલમાં મૃતકના પિતાએ નોંધાયેલ ફરિયાદ આધારે પોલીસે કારના ચાલક સામે ગુનો નોંધી આરોપીને પકડવા માટે તજવીજ શરૂ કરી છે
ઝેરી દવા પીધી
મોરબીના વીસીપરા વિસ્તારની અંદર આવેલ પવિત્ર કુવા પાસે રહેતા શબનમબેન આફતાબભાઈ દરજાદા (૨૫) નામની મહિલા પોતે પોતાના ઘરે હતી ત્યારે કોઈ કારણસર તેને ઝેરી દવા પી લીધી હતી જેથી કરીને તે મહિલાને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપીને હોસ્પિટલ મારફતે મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની પ્રાથમિક તપાસ પ્રફુલભાઈ પરમાર દ્વારા કરવામાં આવી હતી
![](https://morbitoday.com/assets/images/advertisement/1722835068.jpg)
![](https://morbitoday.com/assets/images/advertisement/1725546783.jpg)