વાંકાનેરના સરતાનપર રોડે કારખાનાનું બાંધકામ તોડતા સમયે દીવાલ નીચે દટાઈ જવાથી યુવાનનું મોત
SHARE
JOIN OUR GROUP
વાંકાનેરના સરતાનપર રોડે કારખાનાનું બાંધકામ તોડતા સમયે દીવાલ નીચે દટાઈ જવાથી યુવાનનું મોત
વાંકાનેર તાલુકાના સરતાનપર રોડ ઉપર આવેલ સેન્સો ચોકડીની બાજુમાં સીરામીક કારખાનાના બાંધકામને તોડવાનું કામ ચાલતું હતું ત્યારે દિવાલ પડવાથી દટાઈ જવાના કારણે યુવાનને માથાના ભાગે ગંભીર ઇજા થઈ હતી અને તેનું મોત નીપજયું હતું જેથી કરીને તેના મૃતદેહને વાંકાનેરની સરકારી હોસ્પિટલ ખાતે લઈને આવ્યા હતા અને ત્યાંથી આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મૂજબ વાંકાનેર તાલુકાના સરતાનપર રોડ ઉપર આવેલ સેનસો ચોકડીની બાજુમાં નિધિ માઇક્રોન નામનું કારખાનું આવેલ છે જેના જૂનું બાંધકામ તોડવા માટેનું કામ ચાલી રહ્યું છે તે દરમિયાન અકસ્માતે દિવાલ પડવાથી ચંદન બજરંગી કશ્યપ (૨૧) રહે. હાલ નિધિ માઈક્રોન સીરામીક સરતાનપર રોડ સેન્સો ચોકડીની બાજુમાં મૂળ રહે. ઉત્તરપ્રદેશ વાળો દટાઈ ગયો હતો જેથી કરીને તેને માથાના ભાગે ગંભીર ઇજા થયેલ હોવાથી તે યુવાનનું મોત નીપજયું હતું અને ત્યારબાદ તેના મૃતદેહને વાંકાનેરની સરકારી હોસ્પિટલ ખાતે લઈને આવ્યા હતા અને ત્યાંથી આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની પ્રાથમિક તપાસ જે.જી. ઝાલા દ્વારા કરવામાં આવી છે
