મોરબી પરણિત પ્રેમિકાના પરિણીત પ્રેમીની હત્યાના ગુનામાં પરિણીતાના પતિ અને દિયરની ધરપકડ
SHARE
JOIN OUR GROUP
મોરબીના ખાટકીવાસ વિસ્તારમાં રવિવારે વહેલી સવારે યુવાનને પૂઠના ભાગે તીક્ષણ હથિયારના પાંચ જેટલા ઘા ઝીકિને હત્યા કરવામાં આવી હતી જે બનાવમાં મૃતક યુવાનની પત્નીએ હાલમાં મૃતક યુવાનની પરણિત પ્રેમિકાના પતિ અને દિયરની સામે મોરબી એ ડિવિઝન પોલીસ સ્ટેશન ખાતે હત્યાની ફરિયાદ નોંધાવેલ હતી જે ગુનામાં પોલીસે બંન્ને આરોપીની ધરપકડ કરેલ છે.
જાણવા મળતી માહિતી મુજબ મોરબીના પરસોતમ ચોક પાસે રહેતા સલમાબેને તૌફિકભાઈ ઉર્ફે ભઈલો ચાનીયાએ મોરબી એ ડિવિઝન પોલીસ સ્ટેશન ખાતે ધર્મેન્દ્ર ઉર્ફે ધમો જગદીશભાઈ કોળી અને તેના ભાઈ નરેન્દ્ર ઉર્ફે મોદી ઉર્ફે ભુરો જગદીશભાઈ કોળી સામે હત્યાની ફરિયાદ નોંધાવેલ હતી જેમાં તેને જણાવ્યુ હતુ કે, મોરબીના ખાટીવાસ વિસ્તારમાં તલાવડી વાસમાં ફરિયાદીના પતિ તોફિક ઉર્ફે ભાયલો ઈબ્રાહીમભાઇ ચાનિયા (30)ને શરીરે તીક્ષ્ણ હથિયારના આડેધડ પાંચ ઘા ઝીકિ દેવામા આવ્યા હતા. જેથી તેનું મોત નીપજયું હતું અને ત્યાર બાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા.
વધુમાં મૃતક યુવાનની પત્નીએ ફરિયાદમાં જણાવ્યુ છે કે, આરોપી ધર્મેન્દ્ર ઉર્ફે ધમો જગદીશભાઈ કોળીની પત્ની રીંકલ સાથે ફરિયાદીના પત્નીને પ્રેમસબંધ હતો જેથી ફરિયાદી પણ તેના પતિને પ્રેમ સબંધ ન રાખવા માટે સમજાવ્યા હતા. જો કે, રવિવારે વહેલી સવારે ધર્મેન્દ્ર ઉર્ફે ધમો અને નરેન્દ્ર ઉર્ફે મોદી ઉર્ફે ભુરો બંને સ્કોર્પિયો ગાડી લઈને આવ્યા હતા અને ફરિયાદીના પતિના એક્ટિવનો પીછો કરીને તલાવડી વાસમાં તેને લાકડી વડે માર માર્યો હતો ત્યાર બાદ તેને તીક્ષ્ણ હથિયારના ઘા મારીને તેની હત્યા કરી નાખી હતી હાલમાં હત્યાના આ બનાવમાં મોરબી સીટી એ ડિવિજન પોલીસ સ્ટેશનના પીઆઇ હકુમતસિંહ જાડેજા દ્વારા આરોપી ધર્મેશ ઉર્ફે ધમો જગદીશભાઈ મેર જાતે કોળી (૨૬) અને નરેન્દ્ર ઉર્ફે ભૂરો ઉર્ફે મોદી જગદીશભાઈ મેર જાતે કોળી (૨૩) રહે વીસીપરા મોરબી વાળા ની ધરપકડ કરવામાં આવેલ છે અને આરોપીઓના રિમાન્ડ લેવા માટે પોલીસે તજવીજ શરૂ કરી છે.
અકસ્માતમાં ઇજા
મોરબીમાં આવેલ કડિયા કુંભાર શેરીમાં રહેતા રાઠોડ દયાબેન રતિલાલ (૮૫) નામના વૃદ્ધા બાઈકમાં પાછળના ભાગે બેસીને શેરીમાંથી પસાર થઈ રહ્યા હતા ત્યારે કોઈ કારણોસર ત્યાં શેરીમાં બાઇક સ્લીપ થતા અકસ્માત થયો હતો જેમાં દયાબેનને ઇજાઓ થયો હોવાથી તેને મોરબીની ખાનગી હોસ્પિટલમાં સારવાર માટે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી એ ડિવિજન પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
