કચ્છથી પાયલોટિંગ સાથે રાજકોટ બાજુ કતલખાને લઈ જવાતા 17 પાડાને ગૌરક્ષકોએ મોરબીની દલવાડી ચોકડી પાસેથી બચાવ્યા
SHARE
JOIN OUR GROUP
કચ્છથી પાયલોટિંગ સાથે રાજકોટ બાજુ કતલખાને લઈ જવાતા 17 પાડાને ગૌરક્ષકોએ મોરબીની દલવાડી ચોકડી પાસેથી બચાવ્યા
કચ્છ બાજુથી માળીયા થઈને મોરબી તરફ આવી રહેલા વાહનામાં ક્રૂરતાપૂર્વક અબોલજીવને બાંધીને કતલખાને લઈ જવામાં આવી રહ્યા છે તેવી માહિતી મોરબીના ગૌરક્ષકોને મળી હતી જેથી કરીને મોરબી ગૌરક્ષક, વિશ્વ હિન્દુ પરિષદ, બજરંગ દળ, હિન્દુ યુવા વાહીની, અખિલ વિશ્વ ગૌ સંવર્ધન પરિષદ દિલ્હીની ટીમે મોરબીની દલવાડી ચોકડી પાસે બડા દોસ્ત ગાડીને રોકી હતી અને ચેક કરી હતી ત્યારે તેમાંથી કતલખાને લઈ જવાતા 17 પાડા મળી આવ્યા હતા જેથી પોલીસની હાજરીમાં એક શખ્સને પકડીને મુદામાલ પોલીસને હવાલે કરીને મોરબી એ ડિવિઝન પોલીસ સ્ટેશનમાં કાયદેસરની કાર્યવાહી હાથ ધરવામાં આવી છે.
વિશ્વ હિન્દુ પરિષદ, બજરંગ દળ, અખિલ વિશ્વ ગૌસંવર્ધન પરિષદ દિલ્હી ગુજરાત, હિન્દુ યુવા વાહિની ગૌરક્ષાને બાતમી મળી હતી કે, કચ્છથી મીતાણા બાજુ કતલ કરવાના ઇરાદે 17 અબોલજીવને અશોક બડા દોસ્ત ગાડી નંબર જીજે 36 વી 3801 ગાડીમાં ભરીને લઈ જવામા આવી રહ્યા છે જેથી કરીને ગૌરક્ષકની ટિમ દ્વારા વોચ રાખવામા આવી હતી અને મળેલ બાતમી મુજબની ગાડીનો પીછો કરીને મોરબી બાયપાસ રોડ ઉપર આવેલ દલવાડી સર્કલ નજીક રોકવામાં આવી હતી અને પોલીસની હાજરીમાં તે ગાડીને ચેક કરવામાં આવતા તેમાંથી ક્રૂરતાપૂર્વક બાંધેલી હાલતમાં 17 પાડા મળી આવ્યા હતા જેથી કરીને વાહન ચાલકની પૂછપરછ કરતા તેની પાસે કોઈ પણ પરમિટ ન હોવાનું સામે આવ્યું હતું અને કચ્છથી ભરેલા અબોલજીવને રાજકોટ ભાવિન પટેલને ત્યાં અને તેનો સાથી અરમાન અને આશિફ રહે. રાજકોટ ઉતારવાના હતા અને તે બંને સાથે પોત પોતાની ગાડી લઈને પાયોટીંગ આપતા હતા અને ફોરવીલ કાર નં. જીજે 3 ઇએલ 2506 વાઈટ કલર ટોયાટો ઇટીયોસ કાર ભાવિન પટેલ ચલાવી રહ્યો હતો. બીજી કાર અરમાન ચલાવી રહ્યો હતા અને તેની સાથે મારુતિ સુઝુકી બ્રેજા કાર હતી જે જીવોને કતલ કરવા માટે ઈરાદાપૂર્વક પહોંચાડવામાં આવી રહ્યા હતા જેથી હાલમાં પોલીસે એક શખ્સને પકડી લીધેલ છે અને જે વાહનમાં અબોલજીવને ભરવામાસ આવ્યા હતા તે અને અબોલજીવ સહિતનો મુદામાલ કબ્જે કરીને પોલીસે આગળની કાર્યવાહી કરેલ છે. તેવું માહિતી મોરબીના કમલેશભાઈ બોરિચા પાસેથી જાણવા મળેલ છે.
