હળવદના ભલગામડાની સીમમાં જુગારની રેડ: ત્રણ શખ્સ પકડાયા, એક ફરાર
SHARE
JOIN OUR GROUP
હળવદના ભલગામડાની સીમમાં જુગારની રેડ: ત્રણ શખ્સ પકડાયા, એક ફરાર
હળવદના ભલગામડા ગામની સીમમાં વાડીની બાજુમાં જાહેર રસ્તા ઉપર જુગારની રેડ કરી હતી ત્યારે જુગાર રમતા શખ્સોમાં નાસભાગ મચી હતી અને એક શખ્સ તકનો લાભ લઈને નાશી ગયો હતો જો કે પોલીસે ત્રણ શખ્સોની 22,300 ની રોકડ સાથે ધરપકડ કરી હતી
હળવદ તાલુકાના ભલગામડા ગામની સીમમાં વાડીની બાજુમાં જાહેર રસ્તા ઉપર જુગાર રમતાઓની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા શખ્સોમાં નાસભાગ મચી હતી અને એક શખ્સ તકનો લાભ લઈને નાશી ગયો હતો જો કે પોલીસે જાદવભાઈ બાબુભાઈ ઇન્દરિયા (40), ઉમેશભાઈ લાભુભાઈ પ્રજાપતિ (30) અને મુકેશભાઈ ધનજીભાઈ દેત્રોજા (40) રહે. ત્રણેય ભલગામડા વાળા સ્થળ ઉપરથી મળી આવ્યા હતા જેથી પોલીસે તેની પાસેથી 22,300 ની રોકડ કબજે કરી હતી જોકે પોલીસને જોઈને નાસી છૂટેલ બાલો ઉર્ફે નોઘો લખમણભાઇ ભરવાડ રહે. ભલગામડા વાળાને પકડવામાં માટે આગળની કાર્યવાહી હાથ ધરી છે.
હળવદ તાલુકાના ચરાડવા ગામે સ્વામીના મંદિરની પાછળની શેરીમાં વરલી જુગારના આંકડા લેતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી હિરેનભાઈ ઉર્ફે લાલો વલમજીભાઈ સોલંકી (30) રહે. ચરાડવા વાળો વરલી જુગારના આંકડા લેતા મળી આવ્યો હતો જેથી પોલીસે તેની પાસેથી 1200 ની રોકડ કબજે કરી હળવદ તાલુકા પોલીસ સ્ટેશન ખાતે ગુનો નોંધીને કાર્યવાહી કરી હતી.
