વાંકાનેરના માટેલ નજીક વિટ્રીફાઈડના કારખાનામાંથી 3.09 લાખના પ્લેટીનિયમ તારની ચોરી: ત્રણ સામે ફરિયાદ
Morbi Today
મોરબીમાં ઘરે પાસે નાખેલ ભરતી બાબતે માથાકૂટ કરીને કાકા-ભત્રીજાઓને માર મારી જાનથી મારી નાખવાની ધમકી
SHARE
JOIN OUR GROUP
મોરબીમાં ઘરે પાસે નાખેલ ભરતી બાબતે માથાકૂટ કરીને કાકા-ભત્રીજાઓને માર મારી જાનથી મારી નાખવાની ધમકી
મોરબીના ત્રાજપર શિવ શક્તિ સોસાયટીમાં ઘર સામે રોડ ઉપર ભરતી ભરેલ હોય જે સામેવાળાઓને સારું નહીં લાગતા તેણે માથાકૂટ કરી હતી ત્યારે ફરિયાદી અને તેનો ભાઈ ત્યાં છોડાવવા માટે ગયા હતા ત્યારે તેની સાથે ગાળો બોલીને જપાજપી કરી ઢીકાપાટુનો માર માર્યો હતો તેમજ યુવાને નીચે પડી જતા તેને માથાના ભાગે ઈટ અને પથ્થર વડે માર મારીને ઇજા કરી હતી અને ગાળો આપીને જાનથી મારી નાખવાની ધમકી આપી હતી જેથી યુવાને સારવાર લીધા બાદ હાલમાં મોરબી બી ડિવિઝન પોલીસ સ્ટેશન ખાતે ત્રણ શખ્સની સામે ફરિયાદ નોંધાવેલ છે.
જાણવા મળતી વિગત પ્રમાણે મોરબીના સામાકાંઠ વિસ્તારમાં ત્રાજપર શિવ શક્તિ સોસાયટી પ્રાથમિક શાળાની બાજુમાં રહેતા મયુરભાઈ નારણભાઈ પાટડીયા જાતે કોળી (24)એ હાલમાં બી ડિવિઝન પોલીસ સ્ટેશન ખાતે દીપકભાઈ ગોકળભાઈ પાટડીયા, દિલીપભાઈ રઘુભાઈ પાટડીયા અને વિપુલભાઈ ગોકળભાઈ પાટડિયા રહે. બધા ત્રાજપર શિવશક્તિ સોસાયટી વાળાની સામે ફરિયાદ નોંધાવેલ છે જેમાં તેને જણાવ્યુ છેકે, તેઓના કાકા વાલજીભાઈ બાબુભાઈ પાટડીયાએ પોતાના ઘર પાસે રોડ ઉપર ભરતી ભરેલ હતી જે સામે વાળાઓને સારું નહીં લાગતા તેણે ફરિયાદીના કાકાની સાથે બોલાચાલી અને ઝઘડો કર્યો હતો જેથી કરીને ફરિયાદી મયુરભાઈ તથા તેનો નાનો ભાઈ ઉદય બંને ત્યાં વચ્ચે તેઓને છોડાવવા માટે થઈને ગયા હતા ત્યારે આરોપીઓએ ફરિયાદી તથા તેના ભાઈ અને કાકાની સાથે બોલાચાલી જપાજપી કરી હતી અને ઢીકાપાટુનો માર માર્યો હતો તેમજ યુવાને નીચે પડી જતા તેને માથાના ભાગે ઈંટ અને પથ્થર વડે માર મારીને ઈજા કરવામાં આવી હતી આટલું જ નહીં પરંતુ ગાળો આપીને જાનથી મારી નાખવાની ધમકી આપી હતી જેથી ભોગ બનેલા યુવાને સારવાર લીધા બાદ મોરબી સીટી બી ડિવિઝન પોલીસ સ્ટેશન ખાતે ફરિયાદ નોંધાવી છે જેના આધારે પોલીસે ગુનો નોંધીને આગળની કાર્યવાહી હાથ ધરી છે અને આ અંગેની આંગળી વધુ તપાસ હિતેશભાઈ મકવાણા દ્વારા કરવામાં આવી રહી છે.
