મોરબીના પીપળી રોડ ઉપર ડબલ સવારી બાઇક સ્લીપ થતા એક યુવાનનું મોત, એક ઇજાગ્રસ્ત સારવારમાં મોરબીમાં સંતો-મહંતો, સાંસદ, ધારાસભ્ય, માજી મંત્રી વિગેરેની હાજરીમાં સમરસ યુવા સંગઠન દ્વારા 65 દીકરીઓના સમૂહલગ્ન યોજાયા મોરબીના આમરણ નજીક બાઇક સ્લિપ થતાં ઉર્ષમાંથી પરત ફરતા સલાયાના બે યુવાનોના મોત મોરબીની મચ્છીપીઠ અને લીલાપર રોડ પર મારામારી : ઈજાગ્રસ્તોને રાજકોટ ખસેડાયા મોરબીના બરવાળા પાસે સગર્ભા પત્નીને માવતરે તેડવાં જતા યુવકને અકસ્માત નડ્યો : મોત મોરબીમાં ત્રણ બોટલ દારૂ સાથે બે અને હળવદમાં 11 બોટલ સાથે એક પકડાયો મોરબી જિલ્લામાં વિવિધ સરકારી વિભાગોને જમીન ફાળવણીના 38 હુકમો એનાયત બાહેંધરીનો ભંગ થતા કાર્યવાહી: મોરબીના ખાટકીવાસમાં 2 કતલખાના સીલ
Breaking news
Morbi Today

મોરબીના લાતી પ્લોટમાં બાઈક ઉપર 36 બોટલ દારૂની ડીલીવરી કરવા જતો શખ્સ પકડાયો, માલ મોકલાવનારની શોધખોળ


SHARE







































મોરબીના લાતી પ્લોટમાં બાઈક ઉપર 36 બોટલ દારૂની ડીલીવરી કરવા જતો શખ્સ પકડાયો, માલ મોકલાવનારની શોધખોળ

મોરબી સીટી એ ડિવિઝન પોલીસ સ્ટાફ પેટ્રોલીંગમાં હતો.તે દરમિયાનમાં મળેલ બાતમીના આધારે મોરબીના લાતી પ્લોટ વિસ્તારમાં વોચ તપાસ કરવામાં આવી હતી.ત્યારે મોડી રાત્રીના બાઈક લઈને નીકળેલા શખ્સને અટકાવી તેની ઝડતી લેવામાં આવતા તેની પાસેથી જુદી જુદી બે બ્રાન્ડની કુલ મળીને ૩૬ બોટલ દારૂ મળી આવ્યો હતો.જેથી હાલ દારૂ અને બાઈક મળી રૂા.૯૪,૭૦૦ ની કિંમતની મત્તા સાથે એક શખ્સને પકડવામાં આવ્યો છે કે જે 'માલ' પહોંચાડવા માટે જતો હતો અને 'માલ' મોકલાવનાર શખ્સની શોધખોળ કરવામાં આવી રહી હોવાનું જાણવા મળેલ છે.

મોરબી સીટી એ ડિવિઝન પોલીસ સૂત્રોમાંથી મળતી માહિતી પ્રમાણે સ્ટાફ ગતરાત્રિના પેટ્રોલિંગમાં હતો ત્યારે રાત્રિના ૧૧ વાગ્યાના અરસામાં સ્ટાફના ચકુભાઇ કલોત્રાને મળેલ બાતમીના આધારે મોરબીના લાતી પ્લોટ વિસ્તારની શેરી નંબર ૫-૬ માં તપાસ કરવામાં આવતા ત્યાંથી હિરો હોન્ડા સ્પ્લેન્ડર બાઈક નંબર જૂજે ૩૬ એજી ૪૩૮૩ લઈને પસાર થઇ રહેલા ઇસમને અટકાવવામાં આવ્યો હતો અને તેની ઝડતી લેવામાં આવતા તેની પાસેથી જુદી જુદી બે બ્રાન્ડની કુલ મળીને ૩૬ બોટલ દારૂ મળી આવ્યો હતો.જેથી રૂા.૪૪,૭૦૦ ની કિંમતનો દારૂ તેમજ રૂા.૫૦ હજારની કિંમતનું બાઈક આમ કુલ મળીને રૂા.૯૪,૭૦૦ ની મતા સાથે સ્થળ ઉપરથી અબ્દુલ હાજીભાઇ શાહમદાર ફકીર (૩૮) રહે.જુના બસ સ્ટેશન પાછળ ઈદ મસ્જિદ રોડ મોરબી ની સ્થળ ઉપરથી ધરપકડ કરવામાં આવી હતી અને તે આ દારૂનો જથ્થો અન્યને પહોંચાડવા જતો હતો અને મોરબીના કોઈ શાહરૂખ નામના વ્યક્તિ દ્વારા આ માલ પહોંચાડવા માટે આપવામાં આવ્યો હોય હાલ અબ્દુલ હાજી શાહમદાર તથા શાહરૂખ સામે એ ડિવિઝન પોલીસ મથક ખાતે પ્રોહીબીશન એકટ મુજબ ગુનો નોંધવામાં આવ્યો છે.અબ્દુલ શાહમદારની ધરપકડ કરીને 'માલ' મોકલાવનાર શાહરૂખ નામના ઇસમની શોધખોળ શરૂ કરવામાં આવેલ છે.

ફીનાઇલ પી જતા સારવારમાં

મોરબીના ગ્રીન ચોક પાસેના ભોંઈવાળા વિસ્તારમાં રહેતા માહેનુુરબેન મુસ્તાકભાઈ શાહમદાર ફકીર નામની ૧૮ વર્ષીય યુવતી કોઈ અગમ્ય કારણોસર તેના ઘરે ફીનાઇલ પી ગઇ હતી.જેથી સારવાર માટે મોરબીની ક્રિષ્ના હોસ્પિટલમાં સારવાર માટે લાવવામાં આવી હતી.બનાવની હોસ્પિટલ તરફથી સીટી એ ડિવિઝન પોલીસ સ્ટેશન ખાતે જાણ કરવામાં આવતા સ્ટાફના એમ.એચ.વાસાણી દ્વારા આ બાબતે નોંધ કરીને આગળની તપાસ હાથ ધરાય છે.

માર મારતા સારવારમાં

ગોધરાના રહેવાસી સંજય પ્રભાત નાયક (૧૮) ને મોરબી તાલુકાના નીચી માંડલ ગામે બચુભાઈ બાબુભાઈ કુંડારીયાના ઘર પાસે મારામારીના બનાવમાં ઇજા થતા સારવાર માટે સિવિલે ખસેડાયો હતો.ગત તા.૨-૮ ના રોજ સાંજે સાતેક વાગ્યે ચોરીના ઇરાદે તે ઘરમાં ઘુસતા તેને પકડીને માર મારવામાં આવ્યો હતો.














Latest News