મોરબીના પીપળી રોડ ઉપર ડબલ સવારી બાઇક સ્લીપ થતા એક યુવાનનું મોત, એક ઇજાગ્રસ્ત સારવારમાં મોરબીમાં સંતો-મહંતો, સાંસદ, ધારાસભ્ય, માજી મંત્રી વિગેરેની હાજરીમાં સમરસ યુવા સંગઠન દ્વારા 65 દીકરીઓના સમૂહલગ્ન યોજાયા મોરબીના આમરણ નજીક બાઇક સ્લિપ થતાં ઉર્ષમાંથી પરત ફરતા સલાયાના બે યુવાનોના મોત મોરબીની મચ્છીપીઠ અને લીલાપર રોડ પર મારામારી : ઈજાગ્રસ્તોને રાજકોટ ખસેડાયા મોરબીના બરવાળા પાસે સગર્ભા પત્નીને માવતરે તેડવાં જતા યુવકને અકસ્માત નડ્યો : મોત મોરબીમાં ત્રણ બોટલ દારૂ સાથે બે અને હળવદમાં 11 બોટલ સાથે એક પકડાયો મોરબી જિલ્લામાં વિવિધ સરકારી વિભાગોને જમીન ફાળવણીના 38 હુકમો એનાયત બાહેંધરીનો ભંગ થતા કાર્યવાહી: મોરબીના ખાટકીવાસમાં 2 કતલખાના સીલ
Breaking news
Morbi Today

મોરબીમાં જીએસટીના બિલ બાબતે એકાઉટન્ટને સિરામિક કારખાનેદારે માર માર્યો,  મારી નાખવાનો પ્રયાસ: સીસીટીવી ફૂટેજ વાઇરલ થયા બાદ હવે ગુનો નોંધાયો


SHARE







































મોરબીમાં જીએસટીના બિલ બાબતે એકાઉટન્ટને સિરામિક કારખાનેદારે માર માર્યો,  મારી નાખવાનો પ્રયાસ: સીસીટીવી ફૂટેજ વાઇરલ થયા બાદ હવે ગુનો નોંધાયો

મોરબીના જેતપર રોડ ઉપર આવેલ સિરામિક કારખાનામાં કામ કરતાં કર્મચારીને ઓફિસમાં માર મરવામાં આવ્યો હતો અને ત્યાર બાદ તેના ઉપર ગાડી ચડાવવાનો પ્રયાસ કરવામાં આવ્યો હતો જે ઘટનાનો સીસીટીવી કેમેરાનો વિડીયો આજે સોશિયલ મીડિયામાં વાયરલ થયેલ હતો ત્યાર બાદ મોરબી તાલુકા પોલીસ સ્ટેશન ખાતે ભોગ બનેલા યુવાનની ફરિયાદ લઈને પોલીસે ગુનો નોંધીને આરોપીને પકડવા માટે તજવીજ શરૂ કરી છે.

જાણવા મળતી માહિતી મુજબ મોરબીના જેતપર રોડ ઉપર આવેલ લેમસ્ટોન સિરામિક કારખાનામાં કામ કરતાં કર્મચારી જયદીપ મનસુખભાઇ સેરસિયા (29, રહે. મહેન્દ્રનગર) નામના યુવાનને સિરામિક કારખાનાના ભાગીદાર કાર્તિક મેઘપરાએ ઓફિસમાં માર માર્યો હતો અને ત્યાર બાદ તે યુવાન ઓફિસમાંથી બહાર નીકળ્યો હતો ત્યારે તે બાઇક લઈને ઘરે જતો હતો ત્યારે કાર્તિક મેઘપરાએ તેની ઇનોવા ગાડી જયદીપના બાઈકની સાથે અથડાવીને તેને મારી નાખવાના ઇરાદે ત્રણ વખત બાઇક સાથે ઇનોવા ગાડી અથડાવી હતી. જે સમગ્ર ઘટના સીસીટીવી કેમેરામાં કેદ થયેલ હતી અને આ વિડીયો આજે મોરબીના સોશ્યલ મીડિયામાં વાયરલ થયેલ હતો. ત્યાં સુધી ફરિયાદ લેવામાં આવી ન હતી જો કે, મોડી સાંજે આ બનાવની મોરબી તાલુકા પોલીસ સ્ટેશને પોલીસે ફરિયાદ લીધેલ છે

હાલમાં મોરબી તાલુકા પોલીસ સ્ટેશનેથી મળેલ માહિતી મુજબ જયદીપ મનસુખભાઇ સેરસિયાની ફરિયાદ લઈને કાર્તિક મેઘપરા રહે. રાજકોટ વાળાની સામે હત્યાની કોશિશ સહિતની કલમ હેઠળ ગુનો નોંધવામાં આવેલ છે અને ભોગ બનેલા યુવાને ફરિયાદમાં જણાવ્યુ છેકે, તે લેમસ્ટોન કારખાનામાં એકાઉન્ટન્ટ તરીકે કામ કરે છે અને ગત તા. 5 ઓગસ્ટના રોજ કારખાના હતો ત્યારે લોકલ ગાડીનું ખોટી રીતે જીએસટીનું બિલ બનાવવાનું તેને આરોપીએ કહ્યું હતું જે બિલ બનાવવાની તેણે ના પડી હતી જેથી યુવાનને ઓફિસમાં માર માર્યો હતો ત્યાર બાદ કાર્તિક મેઘપરાએ તેના ઉપર ગાડી ચડાવવાની પ્રયાસ કર્યો હતો જેથી કરીને યુવાને હાલમાં મોરબી તાલુકા પોલીસ સ્ટેશને ફરિયાદ નોંધાવેલ છે તેના આધારે પોલીસે ગુનો નોંધીને આરોપીને પકડવા માટે ચક્રોગતિમાન કરેલ છે.














Latest News