મોરબીના ધરમપુર પાસે નર્સરીની પાછળથી 130 બોટલ દારૂ સાથે એકની ધરપકડ

મોરબી તાલુકાના ધરમપુર ગામની સીમમાં આવેલ નર્સરીની પાછળના ભાગમાં બાવળની જાળીમાં દારૂનો જથ્થો હોવાની હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની 130 બોટલો મળી આવતા પોલીસે 48,400 ની કિંમતનો દારૂનો જથ્થો કબજે કર્યો હતો અને આરોપીની ધરપકડ કરી આગળની કાર્યવાહી હાથ ધરી છે

જાણવા મળતી માહિતી મુજબ મોરબી તાલુકા પોલીસની ટીમ પેટ્રોલિંગમાં હતી ત્યારે મોરબી તાલુકાના ધરમપુર ગામની સીમમાં આવેલ નર્સરીની પાછળના ભાગમાં બાવળની જાળીમાં દારૂનો જથ્થો હોવાની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની અલગ અલગ બ્રાન્ડની 130 બોટલો મળી આવી હતી જેથી કરીને પોલીસે 48,400 ની કિંમતનો દારૂનો જથ્થો કબજે કર્યો હતો અને આરોપી વિજયભાઈ ગોરધનભાઈ દેગામા (32) રહે. શ્રી હરિ સોસાયટી ટિંબડી તાલુકો મોરબી વાળાની ધરપકડ કરી હતી અને તેની સામે તાલુકા પોલીસ સ્ટેશન ખાતે ગુનો નોંધીને પોલીસ આગળની રાબેતા મુજબની કાર્યવાહી હાથ ધરી છે.

ફિનાઇલ પી લેતા સારવારમાં

મોરબીની લીલાપર ચોકડી પાસે રહેતા તરુણ ગજેન્દ્રભાઈ કુબાવત જાતે બાવાજી (30) નામના યુવાને કોઈ કારણોસર પોતે પોતાની જાતે ફિનાઇલ પી લેતા તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યા સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસ સ્ટેશને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે