વાંકાનેરના તરકીયા ગામે ઝેરી દવા પી ગયેલ મહિલાનુ સારવાર દરમ્યાન મોત

વાંકાનેર તાલુકાના તરકીયા ગામે રહેતી મહિલાએ પોતે પોતાની જાતે ઝેરી દવા પી લેતા તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં ચાલુ સારવાર દરમિયાન તે મહિલાનું મોત નીપજયું હતું જેથી હોસ્પિટલ મારફતે વાંકાનેર તાલુકા પોલીસને બનાવની જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ વાંકાનેર તાલુકાના તરકીયા ગામે રહેતા મુન્નાભાઈ લાલાભાઇ બાવડિયાના પત્ની નીતાબેન (34) એ પોતે પોતાની જાતે ગત તા. 4/9 ના રોજ ઝેરી દવા પી લેતા તેઓને સારવાર માટે મોરબી શહેરમાં આવેલ મંગલમ હોસ્પિટલ ખાતે લઈને આવ્યા હતા અને ત્યાં ચાલુ સારવાર દરમિયાન તેનું મોત નીપજ્યું હતું જેથી આ બનાવની હોસ્પિટલ મારફતે વાંકાનેર તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ વાંકાનેર તાલુકા પોલીસ સ્ટેશનના ડી.એ. જાડેજા ચલાવી રહ્યા છે

મારા મારીમાં ઇજા

મોરબીની પંચાસર ચોકડી પાસે મારામારીનો બનાવ બન્યો હતો જે બનાવમાં મોહિત વિનોદભાઈ યાદવ (24) રહે. ઉમા ટાઉનશીપ સામે મોરબી વાળાને ઇજા થયેલ હતી જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી એ ડિવિઝન પોલીસને જાણ કરવામાં આવી હતી આવી જ રીતે મોરબીના નજીક આવેલ લાઇન્સનગર વિસ્તારમાં મારામારીનો બનાવ બન્યો હતો જે બનાવમાં પ્રફુલભાઈ ગોબરભાઇ વાઘેલા નામના વ્યક્તિને ઇજાઓ થયેલ હતી જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને તેને સારવાર આપીને આ બનાવની મોરબી એ ડિવિઝન પોલીસને જાણ કરવામાં આવી છે