મોરબી ચિલ્ડ્રન ડેવલપમેન્ટ ફાઉન્ડેશન દ્વારા ૧૫ ડિસેમ્બરે ઓપન ગુજરાત ડાન્સ કોમ્પીટીશનનું આયોજન

મોરબીમાં ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું આયોજન  છેલ્લા ઘણા વર્ષથી કરવામાં આવે છે તેવી જ રીતે તા. ૧૫ ડીસેમ્બરને રવિવારના રોજ ઓપન ગુજરાત ડાન્સ કોમ્પીટીશનનું આયોજન કરવામાં આવ્યું છે

મોરબીમાં લાલજીભાઈ મહેતાની રાહદારી હેઠળ ચિલ્ડ્રન ડેવલપમેન્ટ ફાઉન્ડેશન દ્વારા ઓપન ગુજરાત ડાન્સ કોમ્પીટીશનનું છેલ્લા ૧૬ વર્ષથી આયોજન કરવામાં આવે છે જેમાં ૫ થી લઈને ૬૦ વર્ષના કલાકારો ભાગ લેતા હોય છે. આગામી ડીસેમ્બર માસમાં ઓપન ગુજરાત ડાન્સ સ્પર્ધાનું આયોજન કરવામાં આવ્યું છે અને આ સ્પર્ધામાં ભાગ લેનાર દરેક સ્પર્ધકોને શિલ્ડ અને સર્ટીફીકેટ એનાયત કરવામાં આવશે તેમજ તમામ સ્પર્ધક અને પ્રેક્ષક ગણને વિનામૂલ્યે જમવાની વ્યવસ્થા સંસ્થા દ્વારા કરવામાં આવી છે અને આ સ્પર્ધામાં ભાગ લેવા માટે તેમજ વધુ માહિતી માટે પ્રોગ્રામ ઓર્ગેનાઈઝર પ્રતિકભાઈ મંડીર ૬૩૫૬૨ ૬૨૬૨૫, રામભાઈ મહેતા મંત્રી ૯૯૦૪૭ ૯૮૦૪૮ અને પ્રમુખ લાલજીભાઈ મહેતા મો ૯૮૨૫૭ ૯૦૪૧૨ પર સંપર્ક જણાવ્યું છે