બે દિવસમાં ટ્રાફિક શાખાનું તાંડવ: મોરબીમાં નંબર પ્લેટ વગર દોડતા-ટ્રાફિકના નિયમનો ભંગ કરતાં ડમ્પર સહિત કુલ 41 વાહનો ડિટેન ટંકારાના જબલપુર ગામે જુગાર રમતા 6 શખ્સ 24,500ની રોકડ સાથે પકડાયા મોરબીના પીપળી રોડ પર આવેલા વેરહાઉસમાંથી 4 તરુણ શ્રમયોગીઓને તંત્રએ મુક્ત કરાવ્યા મોરબીના ખારચીયા ગામે કલેક્ટર સ્વપ્નિલ ખરેના અધ્યક્ષસ્થાને યોજાઈ રાત્રીસભા મોરબી શહેર અને ગ્રામ્ય કક્ષાએ ૬ ડિસેમ્બરે યોજાશે કલા મહાકુંભ મોરબીની મહેન્દ્રનગર ચોકડીએ અજાણ્યા ટ્રકની હડફેટે 32 વર્ષીય યુવકનું મોત મોરબીના લાલપર પાસે મેટાડોર ચાલકે રીક્ષાને હડફેટે લેતા આઠ ઈજાગ્રસ્તો સારવારમાં મોરબી જિલ્લાને દુષ્કાળગ્રસ્ત જાહેર કરવાની માંગ સાથે કોંગ્રેસે કલેક્ટરને આવેદનપત્ર પાઠવ્યુ
Breaking news
Morbi Today

મોરબીના પીપળી રોડ ઉપર બાઈક સ્લીપ થતા યુવાનનું મોત


SHARE







































મોરબીના પીપળી રોડ ઉપર બાઈક સ્લીપ થતા યુવાનનું મોત

મોરબીના જેતપર-પીપળી રોડ ઉપર ગઈકાલે બપોરના બારેક વાગ્યાના અરસામાં બાઈક લઈને જતા યુવાનનું બાઇક રસ્તામાં સ્લીપ થઈ ગયુ હતુ જેથી રોડ ઉપર પટકાતા યુવાનને માથા તથા શરીરે થયેલ ઇજાઓના પગલે યુવાનનું મોત નિપજયુ હતું અને બનાવની જાણ થતા હાલ તાલુકા પોલીસ દ્વારા આગળની તપાસ શરૂ કરવામાં આવી છે.

મોરબી તાલુકા પોલીસ સુત્રોમાંથી મળતી માહિતી પ્રમાણે મોરબીના સામાકાંઠા વિસ્તારમાં આવેલા ઇન્દિરાનગરમાં રહેતા ખોડાભાઈ મલાભાઇ નંદેસરીયા નામનો ૪૫ વર્ષનો યુવાન બાઈક લઈને મોરબીના જેતપર-પીપળી રોડ ઉપરથી જતો હતો ત્યાં રસ્તામાં તેનું બાઇક સ્લીપ થઈ ગયુ હતુ.જેથી તે રોડ ઉપર પટકાતા માથા અને શરીરના ભાગે થયેલ ઇજાઓના પગલે ખોડાભાઈ નંદેસરિયા નામના યુવાનનું મોત નીપજ્યું હતું અને ડેડબોડીને સિવિલ ખાતે લાવવામાં આવતા હોસ્પિટલ દ્રારા પોલીસને જાણ કરવામાં આવેલ હોય હાલ તાલુકા પોલીસ મથકના નેહલબેન ખડીયા આગળની તપાસ ચલાવી રહ્યા છે.

વાહન અકસ્માતમાં પાંચને ઇજા

મોરબી સીટી એ ડિવિઝન પોલીસ સૂત્રોના જણાવ્યા પ્રમાણે માળિયા નજીક કાર અને ટ્રક અકસ્માતનો બનાવ બન્યો હતો.જેમા માળીયા મીંયાણા તાલુકાના મોટા દહીંસરા ગામના ઉદય વિનોદભાઈ, મોહિત ધનજીભાઈ, હંસરાજભાઈ દિનેશભાઈ, સાગર પ્રભાતભાઈ અને હરદેવ લાલજીભાઈ નામના પાંચ લોકોને ઈજા થતાં પાંચયને અત્રેની ક્રિષ્ના હોસ્પિટલે સારવાર માટે લાવવામાં આવ્યા હતા.બનાવને પગલે મોરબી એ ડિવિઝન પોલીસ મથકના વાલભા ચાવડા દ્વારા પ્રાથમિક તપાસ કરી બનાવ સંદર્ભે આગળની તપાસ માટે માળિયા પોલીસને જાણ કરવામાં આવી હતી.જ્યારે મોરબી નવલખી હાઇવે ઉપર આવેલ પીપળીયા ચોકડીથી માળીયા જતા રસ્તે બેંક ઓફ બરોડા નજીક બાઇક સ્લીપ થઈ જવાનો અકસ્માત બનાવ બન્યો હતો.જેમાં જયદીપ પ્રભાતભાઈ ચાવડા (૨૯) રહે.મોટી બરાર તા.માળીયા ને ખાનગી હોસ્પિટલે સારવાર માટે ખસેડાયો હતો.બનાવની હોસ્પિટલમાંથી તાલુકા પોલીસને જાણ કરવામાં આવતા તાલુકા પોલીસ મથકના જીલુભાઈ ગોગરા દ્વારા આ બનાવની નોંધ કરીને તપાસ કરવામાં આવી હતી.

બે સારવારમાં

મોરબીના જેતપર પીપળી રોડ ઉપર આવેલ લોર્ડ્સ ઇન હોટલ સામે કાર અને બાઈક વચ્ચે અકસ્માત બનાવ બન્યો હતો.જેમાં લોકેશ મયુરલાલ રાજગોર (૨૦) રહે.ઉદયપુર રાજસ્થાન અને નિશાંત દિલીપભાઈ નટ (૨૫) રહે.એફિલ સીરામીક પાસે મોરબી વાળાઓને ઈજા થતા બંનેને સિવિલે સારવાર માટે લાવવામાં આવ્યા હતા.જ્યારે મોરબીના જેતપર રોડ ઉપર આવેલ બેલા ગામની પાસે આવેલ વિવાન્ટા સિરામિક પાસે બાઈક સ્લીપ થઈ જવાનો અકસ્માત બનાવ બન્યો હતો.જેમાં ઘુંટુ ગામના રમણીકભાઈ નરભેમભાઈ સોરીયા નામના ૫૧ વર્ષના આધેડને ઇજાઓ થતા ખાનગી હોસ્પિટલે સારવાર માટે લઈ જવાયા હતા બનાવની જાણ થતા તાલુકા પોલીસ મથકના ફિરોજભાઈ સુમરા દ્વારા નોંધ કરીને તપાસ કરવામાં આવી હતી.
















Latest News