મોરબીમાં ખેતીવાડી કનેક્શન એક જ અઠવાડિયામાં લાગી જાય તેવું વિઝન બનાવી કામગીરી કરવા સૂચન કરતાં મંત્રી
Morbi Today
મોરબીના લાતી પ્લોટ શેરી નં. 4 માં 20 જેટલા ગેરકાયદેસર બાંધકામો મનપાએ તોડી પાડ્યા
SHARE
JOIN OUR GROUP
મોરબીના લાતી પ્લોટ શેરી નં. 4 માં 20 જેટલા ગેરકાયદેસર બાંધકામો મનપાએ તોડી પાડ્યા
મોરબીમાં લાતી પ્લોટ શેરી નંબર 4 માં રસ્તા ઉપર કરવામાં આવેલા ગેરકાયદેસર બાંધકામોને તોડી પાડવા માટે આજે મહાપાલિકાની ટીમ દ્વારા ડિમોલેશન કરવામાં આવ્યું હતું અને ત્યારે 20 જેટલા પાકા બાંધકામો ઉપર બુલડોઝર ફેરવીને તે દબાણોને દૂર કરવામાં આવ્યા હતા અને ખાસ કરીને સ્ટ્રોંમ વોટર તથા ગટર લાઈનનું કામ મંજુર થયું છે તે કામ કરવા માટે થઈને આ ગેરકાયદેસર દબાણો હતા તેને તોડી પાડવામાં આવ્યો હતો.
મોરબી શહેરના જુદા જુદા વિસ્તારની અંદર સ્થાનિક લોકો દ્વારા કરવામાં આવેલા કાચા પાકા ગેરકાયદેસર બાંધકામોને તોડવા માટેની કામગીરી મહાપાલિકા દ્વારા કરવામાં આવતી હોય છે તેવામાં આજે મહાપાલિકાની ટીમ મોરબીના લાતી પ્લોટ વિસ્તારમાં પહોંચી હતી અને ત્યાં લાતો પ્લોટ શેરી નં.4 માં કરવામાં આવેલા ગેરકાયદેસર બાંધકામો ઉપર સરકારી બુલડોઝર ફેરવીને 20 જેટલા પાકા બાંધકામોને તોડી પાડવામાં આવ્યા હતા આ અંગે વધુમાં માહિતી આપતાં મહાપાલિકાના ડેપ્યુટી કમિશનર સંજય સોનીએ જણાવ્યું હતું કે, લાતી પ્લોટ વિસ્તારમાં ગટર લાઈન અને સ્ટ્રોમ વોટરની લાઈન પાથરવા માટેનું કામ મંજુર થયું છે અને તે કામમાં નડતરરૂપ થતા દબાણને તોડી પાડવા માટેની આજે કામગીરી હાથ ધરવામાં આવી હતી. વધુમાં તેમણે જણાવ્યું હતું કે લાતી પ્લોટના તમામ રસ્તા સરેરાશ 9 મીટર પહોળા છે જોકે શેરી નંબર 4 માં માત્ર 5 મીટર પહોળો રસ્તો હતો જેથી કરીને રોડની બંને સાઈડમાં કરવામાં આવેલ તમામ દબાણને તોડી પાડીને રસ્તો ખુલ્લો કરવામાં આવેલ છે
