મોરબીમાં સાયબર ફ્રોડથી મેળવેલ ૨૪.૦૯ લાખની વિડ્રો કરી લેનારા બે શખ્સ સામે ફરિયાદ નોંધાઈ: મોરબીમાંથી બે બાઇકની ચોરી
SHARE
JOIN OUR GROUP
મોરબીમાં સાયબર ફ્રોડથી મેળવેલ ૨૪.૦૯ લાખની વિડ્રો કરી લેનારા બે શખ્સ સામે ફરિયાદ નોંધાઈ: મોરબીમાંથી બે બાઇકની ચોરી
જીલ્લામાં સાયબર ફ્રોડ કે છેતરપિંડીથી મેળવેલ રકમ સગેવગે કરવા માટે મ્યુલ એકાઉન્ટનો ઉપયોગ થાય છે તેવુ સામે આવેલ છે જેથી પોલીસ હવે ગુના નોંધી રહી છે તેવામાં સાયબર ક્રાઈમ પોલીસ સ્ટેશને બે શખ્સની સામે ૨૪.૦૯ લાખની રકમ સગેવગે કરવાની ફરીયાદ નોંધી તપાસ હાથ ધરી છે.
મોરબી જીલ્લાના સાયબર ક્રાઈમ પોલીસ સ્ટેશનના કર્મચારીએ સંજય ખેંગારભાઈ સોલંકી અને મનોજ મોહનભાઈ ચૌહાણ રહે. બંને રોહીદાસપરા મોરબી વાળા સામે ફરિયાદ નોંધાવી છે જેમા જણાવ્યુ છે કે, મનોજ ચૌહાણે અન્ય ઈસમો સાથે મળી સાયબર ફ્રોડ કે છેતરપીંડીથી મેળવેલ નાણા સગેવગે કરવા આરોપી સંજય સોલંકીના સેવિંગ્ઝ એકાઉન્ટ ખોલાવી ૨૪,૦૯,૧૫૦ જમા કરાવી કમીશન પેટે ૧૦,૦૦૦ આપી ખાતામાં જમા કરેલી રકમ ચેક, એટીએમથી વિડ્રો કરી સગેવગે કરી હતી જેથી પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
મોરબીના બાયપાસ નજીક પાર્ટી પ્લોટના પાર્કિંગમાંથી બે વાહનની ચોરી
મોરબીના નાની વાવડી ગામે રહેતા હર્ષ હિતેશભાઈ કવૈયા (૨૫) નામના યુવાને પોલીસ ફરિયાદ નોંધાવી છે જેમા જણાવ્યુ છે કે, તા. ૬/૧૦ ના રોજ રાત્રીના નવેક વાગ્યાથી બાર વાગ્યા સુધીના સમયગાળા દરમિયાન ફરિયાદીનું બાઇક નં જીજે ૩૬ એએચ ૫૯૯૯ અને મિત્ર પંકજભાઈ રાઠોડનું બાઇક નં જીજે ૩૬ એજી ૧૪૦૦ એમ બે મોટરસાયકલ કીમત એક લાખની ચોરી કરી ગયેલ છે જેથી મોરબી એ ડીવીઝન પોલીસે ફરિયાદ લઇને તપાસ હાથ ધરી છે
