મોરબીના ટિંબડી પાટીયા પાસે વાહન અકસ્માતમાં ઇજા પામેલા યુવાનનું સારવારમાં મોત

મોરબીના ટિંબડી ગામના પાટીયા પાસે વાહન અકસ્માતનો બનાવ બન્યો હતો જે બનાવમાં યુવાનને ઇજા થઈ હતી જેથી તેને સારવાર માટે પ્રથમ મોરબી અને ત્યાંથી વધુ સારવાર માટે રાજકોટ સુધી લઈ ગયા હતા જોકે, સારવાર કરગત ન નિવડતા તે યુવાનનું મોત નીપજ્યું હતું જે બનાવ સંદર્ભે હાલમાં મૃતક યુવાનની સાથે રહેતા વ્યક્તિની ફરિયાદ લઈને પોલીસે અજાણ્યા વાહન ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

મૂળ ઉત્તર પ્રદેશનો રહેવાસી અને હાલમાં મોરબીમાં માળિયા ફાટક ચોકડી પાસે આવેલ કાંતિનગરમાં રહેતો ધર્મેન્દ્રભાઈ સારદાભાઈ ચૌહાણ (27) નામનો યુવાન મોરબી માળિયા હાઇવે રોડ ઉપર આવેલ ટિંબડી ગામના પાટીયા પાસે હતો ત્યારે ત્યાં અજાણ્યા વાહન ચાલાકે તેને હડફેટે લેતા યુવાનને ગંભીર ઈજા થઈ હતી જેથી ઇજા પામેલ યુવાનને સારવાર માટે પ્રથમ મોરબીની સિવિલ હોસ્પિટલ ખાતે લઈને આવ્યા હતા અને ત્યારબાદ ત્યાંથી તેને વધુ સારવાર માટે રાજકોટની સરકારી હોસ્પિટલ ખાતે લઈ ગયા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો આ બનાવ સંદર્ભે મૃતક યુવાનની સાથે મકાનમાં રહેતા રાજન પરમહંસ ગુદરપ્રસાદ (42) રહે. હાલ કાંતિનગર મૂળ રહે ઉત્તર પ્રદેશ વાળાની ફરિયાદ લઈને પોલીસે અજાણ્યા વાહન ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

અકસ્માતમાં ઇજા

મોરબીમાં ટિંબડી પાટીયા નજીક આવેલ ઓવરબ્રિજ પાસે અકસ્માતનો બનાવ બન્યો હતો જે બનાવમાં યાસીન મુસાફાઈ મોવર (19) અને મુસાભાઇ મહામદભાઈ મોવર (55) રહે. બંને દેવડીયા તાલુકો હળવદ વાળાને ઇજાઓ થઈ હતી જેથી તેને સારવાર માટે હોસ્પિટલે લાવ્યા હતા અને આ બનાવની તાલુકા પોલીસ સ્ટેશન ખાતે જાણ કરવામાં આવી છે