મોરબીના મચ્છી પીઠ વિસ્તારમાં મહાપાલિકાની ટીમે પરચુરણ ડિમોલેશન કર્યું !
SHARE
JOIN OUR GROUP
મોરબીના મચ્છી પીઠ વિસ્તારમાં મહાપાલિકાની ટીમે પરચુરણ ડિમોલેશન કર્યું !
મોરબીમાં જુના બસ સ્ટેશનની પાછળના ભાગમાં આવેલ મચ્છી પીઠ વિસ્તારમાં આજે મહાપાલિકાની ટીમ દ્વારા ડિમોલેશનની કામગીરી હાથ ધરવામાં આવી હતી અને કેટલાક વેપારીઓ દ્વારા પોતાના ઘર પાસે કરવામાં આવેલા દબાણને દૂર કરવામાં આવ્યા હતા જોકે બાકી રહેલા તમામ દબાણ ઉપર જેસીબી ફેરવીને મહાપાલિકાની ટીમ દ્વારા દબાણોને દૂર કરવામા આવ્યા છે.
મોરબીમાં દર બુધવારે કોઈને કોઈ એક વિસ્તારની અંદર મહાપાલિકા દ્વારા રોડ રસ્તાની સાઈડમાં થયેલા દબાણ અને દૂર કરવા માટેની કામગીરી કરવામાં આવતી હોય છે તેના ભાગરૂપે અગાઉ મોરબીના જુના બસ સ્ટેશનની પાછળના ભાગમાં આવેલ મચ્છી પીઠ વિસ્તારમાં દબાણોને દૂર કરવા માટેની કાર્યવાહી કરવામાં આવી હતી. ત્યારબાદ ત્યાં ફરી પાછા દબાણો થઈ ગયા હોવાનું ધ્યાન ઉપર આવતા આજે મોરબી મહાનગરપાલિકાના ડેપ્યુટી કમિશનર સંજય સોની સહિતની ટીમ સ્થળ ઉપર પહોંચી હતી અને રોડ સાઈડમાં કરવામાં આવેલા દબાણ અને દૂર કરવા માટેની કાર્યવાહી હાથ ધરાઇ હતી. વધુમાં ડેપ્યુટી કમિશનરે માહિતી આપતા જણાવ્યું હતું કે આ વિસ્તારની અંદર જે દબાણ હતા તેને દૂર કરવા માટે બે દિવસ પહેલા સોમવારે નોટીસ આપવામાં આવી હતી જેથી કેટલાક વેપારીઓએ પોતે પોતાના દબાણો જાતે દૂર કરી નાખ્યા હતા અને જે બાકી રહેલા ઓટલા છાપરા સહિતના દબાણો હતા તેને આજે મહાપાલિકાની ટીમ દ્વારા જેસીબીની ટીમ દ્વારા તોડી પાડવામાં આવ્યા છે.
