મોરબીમાં વિચિત્ર બનાવ સામે આવ્યો છે. જેમાં કૂતરાને માર મારવા બાબતે થયેલ ઝઘડામાં મારામારી થતા મામલો પોલીસમાં ફરિયાદ નોંધાવવા સુધી પહોંચી ગયો હતો. !

જેમાં શિવાંગીબેન જયસુખભાઈ ભાલોડીયા પટેલ (૩૬) રહે.હનુમંત બંગલો અમી એવન્યુ પાર્ક રવાપર રોડ મોરબી દ્રારા મોરબી સીટી એ ડિવિઝન પોલીસ મથક ખાતે મગનભાઈ હોથી રહે. હનુમાન બંગલો અમિ એવન્યુ પાર્ક રવાપર રોડ મોરબી સામે ફરિયાદ નોંધાવીને જણાવ્યું હતું કે, થોડા દિવસો પહેલા રાત્રિના સમયે કૂતરાને માર મારવા બાબતે બોલાચાલી થઈ હતી.તે દરમિયાન ઉશ્કેરાઇ જઈને મગનભાઈ હોથીએ લાકડાના બડીકા વડે શિવાંગીબેનને જમણા હાથના ભાગે માર માર્યો હતો.જે બાબતે નોંધ થતા એ ડિવિઝન પોલીસ મથકના આર.આર.મિયાત્રાએ નોંધ કરીને તપાસ કરી હતી.

મોરબીના હળવદ તાલુકાના માથત ગામે રહેતા સુરેશભાઈ દામજીભાઈ કોળી નામના ૨૯ વર્ષના યુવાનને છેલ્લા ઘણા વર્ષોથી ડાયાબિટીસની તકલીફ હોય અને વધુ પડતું ડાયાબિટીસ રહેતું હોવાના કારણે તેની કિડની ફેલ થઈ જવાના કારણે મોરબી સરકારી હોસ્પિટલ ખાતે તેનું મોત નીપજયુ હતુ.જેથી પોલીસમાં જાણ કરવામાં આવેલ હોય પોલીસ દ્વારા આ બાબતે નોંધ કરીને બનાવ સંદર્ભે રાબેતા મુજબની કાર્યવાહી કરવામાં આવી હતી.
વાહન અકસ્માત
મોરબીના દલવાડી સર્કલથી કેનાલ રોડ બાજુ જતા રસ્તે બાઈક સ્લીપ થવાનો બનાવ બન્યો હતો.જેમાં સાગર સુરેશભાઈ ડાભી (૧૬) રહે.દુધીની વાડી શનાળા રોડ મોરબી તથા સતીશ મુકેશભાઈ કંજારીયા (૧૫) રહે મંગળની વાડી શનાળાનો ઇજા થતા બંને સિવિલ હોસ્પિટલમાં સારવાર માટે લાવવામાં આવ્યા હતા.જ્યારે જોડીયા નજીક આવેલા બોડકા ગામે રહેતા પાર્થ રસુલભાઈ મહિડા નામના ૪૦ વર્ષના યુવાનને વિંછા કરડી જતા સારવાર માટે મોરબી લાવવામાં આવ્યો હતો.

માળિયા મીંયાણાના વવાણીયા ગામે પતરૂ ઉડીને માથાના ભાગે લાગતા રફીક હબીબભાઈ જેડા નામના ૩૫ વર્ષના યુવાનને મોરબી સિવિલે સારવાર માટે લાવવામાં આવ્યો હતો.તેમજ મૂળ મધ્યપ્રદેશ અને હાલ મોરબીના માળિયા મિંયાણા તાલુકાના મોટાભેલા ગામે રહેતા અમિત દિનેશભાઈ કટારા નામના ૧૪ વર્ષના સગીરને સાપ કરડી ગયેલ હોય તેને પણ સારવાર માટે મોરબી લાવવામાં આવ્યો હતો.