મોરબીના લક્ષ્મીનગર ગામ પાસે ટેન્કરની કેબીનમાં આગ લાગતા વાહનમાં નુકસાન

મોરબી માળિયા હાઇવે રોડ ઉપર આવેલ લક્ષ્મીનગર ગામના પાટીયા પાસે પાર્કિંગમાં ટેન્કરો ઉભા રાખવામાં આવ્યા હતા ત્યારે એક એલપીજીના ટેન્કરના કેબીનની અંદર કોઈ કારણોસર આગ લાગવાની ઘટના બની હતી જેથી આ બનાવની મોરબી મહાપાલિકાના ફાયર વિભાગને જાણ કરતા ફાયરની ટીમ તાત્કાલિક ઘટના સ્થળે દોડી આવી હતી અને ટેન્કરની કેબિનમાં લાગેલી આગ ઉપર પાણીનો મારો કરીને આગેને કાબુમાં લેવામાં આવી હતી.

મોરબીના લક્ષ્મીનગર ગામ પાસે આવેલ વાહન પાર્કિંગમાં ટેન્કર સહિતના વાહનોને ઊભા રાખવામાં આવ્યા હતા દરમ્યાન મોડી રાત્રીના સમયે કોઈ કારણોસર એલપીજીના એક ટેન્કરની કેબીનીમાં આગ લાગવાની ઘટના બની હતી જેથી કરીને ટેન્કરની કેબિન આગની જપેટમાં આવી ગઈ હતી માટે આ બનાવની તાત્કાલિક મોરબી મહાપાલિકાના ફાયર વિભાગને જાણ કરતા ફાયરની ટીમ ઘટના સ્થળે દોડી આવી હતી અને કેબિનમાં લાગેલી આગને કાબુમાં લેવા માટે પાણીનો મારો કરવામાં આવ્યો હતો. અને ગણતરીની કલાકમાં આગને કાબુમાં લઈ લેવામાં આવી હતી જો કે, એલપીજીનું ટેન્કર ખાલી હોવાના કારણે મોટી દુર્ઘટના સહેજમાં ટળી હતી અને આ બનાવમાં કોઈપણને ઇજા થયેલ નથી અને કોઈ જાનહાનિ થયેલ નથી તેવું ફાયર વિભાગના અધિકારીએ જણાવ્યુ છે.