મોરબીમાં કબ્રસ્તાન પાસેથી ઈજાગ્રસ્ત હાલતમાં મળી આવેલ યુવાનનું સારવાર દરમિયાન મોત

મોરબીમાં કબ્રસ્તાન પાસેથી ઈજાગ્રસ્ત હાલતમાં નેપાળી યુવાન મળી આવ્યો હતો જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં ચાલુ સારવાર દરમિયાન તે યુવાનનું મોત નીપજયું હતું આ બનાવની મોરબી એ ડિવિઝન પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મૂળ નેપાળના રહેવાસી અને હાલમાં મોરબીના બેલા ગામ નજીક આવેલ વિન આર્ટ પેકેજીંગ નામના કારખાનામાં રહેતા અને મજૂરી કામ કરતા ગોપેન્દ્ર પદમ બડુવાલ (35) નામનો યુવાન મોરબીમાં વીસી હાઇ સ્કૂલની પાછળના ભાગમાં કબ્રસ્તાન નજીકથી ઇજા પામેલ હાલતમાં મળી આવ્યો હતો જેથી તે યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં સારવાર દરમિયાન તે યુવાનનું મોત નિપજ્યું હતું જેથી આ બનાવની હોસ્પિટલ મારફતે મોરબી એ ડિવિઝન પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

મારામારીમાં ઇજા

મોરબીમાં આવેલ શક્તિનગર ખાતે રહેતા સંજનાબેન દિનેશભાઈ બાહુકીયા (17)ને મારામારીના બનાવમાં ઇજા થઈ હતી જેથી તેને ઇજા પામેલ હાલતમાં સારવાર માટે હોસ્પિટલે લઈ ગયા હતા અને આ બનાવની પોલીસને જાણ કરવામાં આવતા પોલીસે આગળની કાર્યવાહી હાથ ધરી હતી

યુવાન સારવારમાં

મોરબીના લખધીરપુર રોડ ઉપર આવેલ કજારીયા ઇન્ફોસિટી કારખાનાના લેબર કવાર્ટરમાં રહેતો અને મજૂરી કામ કરતો ધનંજયકુમાર યાદવ (૩૩) નામનો યુવાન ઊંચાઈ ઉપરથી નીચે પડી ગયો હતો જેથી તેને સારવાર માટે મોરબીની સમર્પણ હોસ્પિટલ ખાતે લઈને આવ્યા હતા ત્યાં તેને સારવાર આપીને આ બનાવની પોલીસને જાણ કરવામાં આવી છે.