રોટરી ક્લબ ઓફ મોરબીના પ્રમુખ પદે હુઝૈફાભાઈ લાકડાવાલા-સેક્રેટરી પદે સોનલબેન શાહની વરણી

રોટરી ક્લબ ઓફ મોરબીનો વર્ષ 2026-27 નો પદગ્રહણ સમારંભ તાજેતરમાં યોજવામાં આવ્યો હતો. જેમાં પ્રમુખ તરીકે હુઝૈફાભાઈ લાકડાવાલા તથા સેક્રેટરી તરીકે સોનલબેન શાહની વરણી કરવામાં આવેલ છે આ તકે આસિસ્ટન્ટ ગવર્નર રોટે. હર્ષિતભાઈ શાહ જે રોટરી ક્લબ ઓફ વઢવાણ મેટ્રોના સભ્ય છે તેમના દ્વારા શપથવિધિ કરાવવામાં આવી હતી. તેઓએ પ્રેસિડેન્ટ, સેક્રેટરી તથા બોર્ડ ઓફ ડિરેક્ટરની શપથવિધિ કરાવી હતી. અને રોટરી ઇન્ટરનેશનલ પ્રેસિડેન્ટ ઓલયંકા બાબાલોલા દ્વારા આ વર્ષની થીમ ક્રિએટ લાસ્ટિંગ ઇમ્પેક્ટ આપવામાં આવી છે તથા ડિસ્ટ્રિક્ટ ગવર્નર રોટે. નિલેશભાઈ શાહ દ્વારા આ વર્ષની ડીસ્ટ્રીકટ 3060 ની ટીમને ટિમ બિલિવર્સ તરીકે જાહેર કરવામાં આવી છે. આ તકે રોટરી ક્લબ ઓફ હળવદના સભ્યો હાજર રહ્યા હતા તથા રોટરી ક્લબ ઓફ મોરબીના સભ્યો અને સ્નેહીજનો બહોળી સંખ્યામાં હાજરી આપી હતી.