મોરબી સરતાનપર રોડે બાઇક ટેમ્પો સાથે અથડાતા ઇજાગ્રસ્ત યુવાન સારવારમાં:દીઘડીયાને વાડીમાં બે બાળકોને ઇલે. શોર્ટ લાગ્યો
SHARE
JOIN OUR GROUP
મોરબી સરતાનપર રોડે બાઇક ટેમ્પો સાથે અથડાતા ઇજાગ્રસ્ત યુવાન સારવારમાં: દીઘડીયાને વાડીમાં બે બાળકોને ઇલે. શોર્ટ લાગ્યો
મોરબી-વાંકાનેર હાઇવે સરતાનપર રોડે બાઇક લઇને જઇ રહેલા કમલભાઇ પરમાર (ઉ.વ. 30, રહે. લીલાપર)નું બાઇક રોડ ઉપર ટેમ્પો (મેટાડોર) સાથે અથડાતા ઇજાગ્રસ્ત થયેલા કમલભાઇને અત્રેની સિવિલ હોસ્પીટલે સારવાર માટે લાવવામાં આવ્યા હતા.
જ્યારે ટંકારા તાલુકાના રામગઢ (કોયલી) ગામે પ્રકાશભાઇની વાડીએ ઝેરી દવા પી ગયેલા મલીબેન કેવલભાઇને અત્રેની મંગલમ હોસ્પીટલે સારવાર માટે લાવવામાં આવ્યા હતા. વાંકાનેર હાઇવે ઉપર ઢવા પાસેના પેટ્રોલ પંપ નજીક અકસ્માત બનાવમાં ઇજા પામેલા કિરણભાઇ પ્રતાપભાઇ લુહાર (ઉ.વ. 30, રહે. મોરબી) ને અત્રેની સીવીલ હોસ્પીટલે લાવવામાં આવ્યો હતો.
વાહન અકસ્માત
ટંકારાના મહમદહુશેન કાસમભાઇ મતવા નામનો 18 વર્ષનો યુવાન ઇલેક્ટ્રીક બાઇક લઇને જતો હતો ત્યારે ટંકારા પાસે વાહન સ્લીપ થઇ જતાં ઇજા પામેલ હાલતમાં અત્રેની સીવીલે સારવાર માટે લાવવામાં આવ્યો હતો. જ્યારે મિતાણા ગામે રહેતો ઓમકાર જુસ્તીરામ મલ (23) નામનો યુવાન નેકનામ રોડે હતો ત્યારે મારામારીના બનાવમાં ઇજા થતાં સારવાર માટે સિવિલે ખસેડાયો હતો.
રાજકોટ ખસેડાયા
હળવદના દિઘડીયા ગામે વાડી વિસ્તારમાં રમતા સમયે ઇલેક્ટ્રીક શોર્ટ લાગતા જયદિપ ફુલજીભાઇ હુંબલ (7) અને સીતા ફુલજીભાઇ હુંબલ (8) નામના બે બાળકોને શોર્ટ લાગ્યો હતો. બંનેને સિવિલે વધુ તથા રાજકોટ ખસેડાયા હોવાનું પોલીસ સુત્રોએ જણાવેલ છે જ્યારે મોરબી પલાખી શેરીમાં રહેતા ફીદાબેન નુફેલભાઇ બનાણી (23) એ ઘરે કોઇ કારણસર ઝેરી દવા પી લેતા સારવારમાં ખસેડાઇ હતી.
બાળકીનું મોત
મોરબી-વાંકાનેર હાઇવે સ્લોગન સિરામીકના લેબર ક્વાર્ટરમાં રહી ત્યાં મજુરી કામ કરતા પરિવારની સરસ્વતિ સીગેખોડ જયંતિકુડા નામના ત્રણ વર્ષની બાળકીનું તાવની બિમારીથી મોત નિપજતા મૃતદેહ સિવિલે લાવવામાં આવેલ જેથી તાલુકા પોલીસે તપાસ કરી હતી.
દારૂ સાથે પકડાયો
મોરબી તાલુકા પોલીસે બેલાથી તળાવીયા શનાળા જવાના રસ્તા ઉપરથી નીકળેલ દિગ્વિજયસિંહ ઉર્ફે ટીનુભા જાલુભા જાડેજા (42) ને અટકાવી તલાસી લેતા તેઓ પાસેથી બીયરના 16 ટીન મળી આવતા રૂા.2040 ની કિંમતના ટીન સાથે દિગ્વિજયસિંહ જાડેજાની અટકાયત કરી ધોરણસરની કાર્યવાહી કરવામાં આવી હતી.
