મોરબી માર્કેટ યાર્ડના મહાપાલિકાના પ્રતિનિધિ તરીકે જીગ્નેશભાઈ કૈલાની વરણી
Morbi Today
વાંકાનેરમાંથી દારૂનો જથ્થો ભરેલ બોલેરો ગાડી સાથે એક પકડાયો, 4.09 લાખનો મુદ્દામાલ કબજે
SHARE
JOIN OUR GROUP
વાંકાનેરમાંથી દારૂનો જથ્થો ભરેલ બોલેરો ગાડી સાથે એક પકડાયો, 4.09 લાખનો મુદ્દામાલ કબજે
વાંકાનેરના જડેશ્વર રોડ ઉપર પંચાસર ચોકડી પાસેથી પસાર થતી બોલેરો ગાડીને પોલીસ દ્વારા રોકવામાં આવી હતી અને તે ગાડીને ચેક કરવામાં આવતા તેમાંથી 400 લીટર દેશી દારૂનો જથ્થો મળી આવ્યો હતો જેથી દારૂ, ગાડી તથા મોબાઇલ આમ કુલ મળીને 4.09 લાખના મુદ્દામાલને કબજે કરીને એક આરોપીની ધરપકડ કરવામાં આવેલ છે તથા કાયદાના સંઘર્ષમાં આવેલ બાળ કિશોર ગાડીમાંથી મળી આવેલ હોય પોલીસે રાબેતા મુજબની કાર્યવાહી કરીને આગળની કાર્યવાહી હાથ ધરી હતી.
વાંકાનેર સિટી પોલીસની પેટ્રોલિંગમાં હતી ત્યારે વિરેન્દ્રસિંહ ઝાલા, વિશ્વરાજસિંહ ઝાલા અને હિતેન્દ્રસિંહ ઝાલાને સંયુક્તમાં બાતમી મળી હતી કે, સફેદ કલરની બોલેરો પીક અપ ગાડી નંબર જીજે 3 બીવી 0042 માં દેશી દારૂનો જથ્થો ભરીને તેને વાંકાનેરના જડેશ્વર રોડ ઉપરથી લીલાપર ગામ તરફ લઈને જવાના છે જેથી પોલીસ દ્વારા વોચ રાખવામાં આવી હતી અને મળેલી બાતમી મુજબની બોલેરો ગાડી ત્યાંથી પસાર થઈ હતી તેને રોકવામાં આવી હતી અને ગાડીને ચેક કરવામાં આવતા તેમાંથી 400 લીટર દેશી દારૂનો જથ્થો મળી આવતા 80 હાજરની કિંમતનો દારૂ તથા 3 લાખ રૂપિયાની કિંમતની ગાડી અને 29 હજાર રૂપિયાની કિંમતના ચાર મોબાઈલ ફોન આમ કુલ મળીને 4.09 લાખ રૂપિયાની કિંમતનો મુદ્દામાલ કબજે કરવામાં આવ્યો છે અને પોલીસે આરોપી નીતિનભાઈ ધીરુભાઈ અગેચાણીયા રહે. લીલાપર પ્રકાશનગર સોસાયટી મોરબી વાળાની ધરપકડ કરેલ છે તથા ગાડીમાંથી એક કાયદાના સંઘર્ષમાં આવેલ બાળ કિશોર મળી આવેલ હોય પોલીસે રાબેતા મુજબની કાર્યવાહી હાથ ધરી હતી અને વાંકાનેર સિટી પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.
