ટંકારાના મિતાણા નેકનામ રોડે અજાણ્યા વાહન ચાલકે હડફેટે લેતા રાહદારી યુવાનનું મોત

ટંકારાના મિતાણા નેકનામ રોડ ઉપર આવેલ કારખાના પાસેથી યુવાન ચાલીને પસાર થઈ રહ્યો હતો ત્યારે કોઈ અજાણ્યા વાહન ચાલકે તેને હડફેટે લીધો હતો જેથી યુવાનને શરીરે ગંભીર ઇજાઓ થઈ હતી અને યુવાનનું મોત નીપજયું હતું ત્યાર બાદ તેના મૃતદેહને પીએમ માટે હોસ્પિટલે લઈ ગયા હતા અને આ બનાવ સંદર્ભે મૃતક યુવાનના બનેવીએ નોંધાવેલ ફરિયાદ આધારે પોલીસે અજાણ્યા વાહન ચાલક સામે ગુનો નોંધીને આરોપીને પકડવા માટે તજવીજ શરૂ કરી છે.

મૂળ મધ્યપ્રદેશના રહેવાસી અને હાલમાં ટંકારા તાલુકાના ધ્રોલિયા ગામના પાટીયા નજીક આવેલ ચંદન ઓઇલ ઇન્ડસ્ટ્રીઝમાં રહેતા અને મજૂરી કામ કરતા ભીમસિંહ છગનભાઈ ડાવર (39)એ ટંકારા તાલુકા પોલીસ સ્ટેશન ખાતે અજાણ્યા વાહન ચાલક સામે ફરિયાદ નોંધાવેલ છે જેમાં તેણે જણાવ્યું છે કે મીતાણા નેકનામ રોડ ઉપર આવેલ ફિનોમેક્સ પોલીમર્સ નામના કારખાના સામેથી તેઓના સાળા સુનિલભાઈ કૈલાશભાઈ મકવાની રોડ ઉપરથી ચાલીને પસાર થઈ રહ્યા હતા દરમિયાન કોઈ અજાણ્યા વાહન ચાલકે તેને હડફેટે લેતા અકસ્માત થયો હતો અને અકસ્માતના આ બનાવમાં ફરિયાદીના સાળાને ગંભીર ઇજા થઈ હતી જેથી તેનું મોત નીપજયું હતું અને અને અકસ્માત સર્જીને વાહન ચાલક પોતાનું વાહન લઈને સ્થળ ઉપરથી નાશી ગયેલ હોય આ બનાવ સંદર્ભે હાલમાં મૃતક યુવાનના બનેવીએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે