ટંકારાના લજાઈ નજીક રોડ ક્રોસ કરતાં યુવાનને કાર ચાલકે હડફેટે લેતા માથામાં હેમરેજ

મોરબી રાજકોટ હાઇવે રોડ ઉપર લઈ નજીક આવેલ સીએનજીના પંપ પાસેથી યુવાન રોડ ક્રોસ કરી રહ્યો હતો તે વખતે કાર ચાલકે તેને હડફેટે લેતા અકસ્માત થયો હતો આ બનાવમાં યુવાનને માથાના ભાગે હેમરેજ તથા જમણા હાથમાં ફ્રેકચર અને પેટ તથા શરીરે ઈજાઓ થઈ હતી જેથી ઇજાગ્રસ્ત યુવાનને સારવાર માટે હોસ્પિટલે લઈ ગયા હતા અને આ બનાવ બાદ કાર ચાલક પોતાનું વાહન લઈને સ્થળ ઉપરથી નાસી છૂટ્યો હોય હાલમાં બનાવ સંદર્ભે ઇજા પામેલા યુવાનના બનેવીએ નોંધાવેલ ફરિયાદ આધારે પોલીસે કાર ચાલક સામે ગુનો નોંધીને રાબેતા મુજબની કાર્યવાહી હાથ ધરી છે.

રાજકોટના રેલ નગરમાં આવેલ છત્રપતિ શિવાજી ટાઉનશિપ આવાસ યોજના ખાતે રહેતા વિજયભાઈ ઈશ્વરભાઈ વાજા (55)એ હાલમાં કાળા કલરની ફોરવીલ કારના ચાલક સામે ફરિયાદ નોંધાવેલ છે જેમાં તેણે જણાવ્યું છે કે મોરબી રાજકોટ હાઇવે રોડ ઉપર લજાઇ ચોકડી નજીક આવેલ સીએનજીના પંપ પાસેથી તેના સાળા મિતેશ નાગર રોડ ક્રોસ કરી રહ્યા હતા ત્યારે આરોપીએ બેફિકરાયથી પોતાની કાર ચલાવી હતી અને ફરિયાદીના સાળા મિતેશને હડફેટે લેતા તેને માથાના ભાગે હેમરેજ જેવી ઈજા થઈ છે તથા જમણા હાથમાં ફ્રેકચર અને પેટ તથા શરીરે ઇજાઓ થઈ હોવાથી તાત્કાલિક તેને સારવાર માટે લઈ ગયા હતા અને અકસ્માત સર્જીને કાર ચાલક પોતાની કાર લઈને સ્થળ ઉપરથી નાસી ગયેલ છે જેથી આ બનાવ સંદર્ભે હાલમાં ઇજા પામેલા યુવાનના બનેવીએ નોંધાવેલ ફરિયાદ આધારે પોલીસે કારચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે