મોરબીની કોર્ટમાં ચાલી ગયેલ ચેક રિટર્નના કેસમાં આરોપીને બે વર્ષની સજા
SHARE
JOIN OUR GROUP
મોરબીની કોર્ટમાં ચાલી ગયેલ ચેક રિટર્નના કેસમાં આરોપીને બે વર્ષની સજા
મોરબીમાં હાથ ઉછીની લીધેલી રૂપિયાની સામે ચેક આપવામાં આવેલ હતો અને 3.75 લાખનો ચેક રીટર્ન થયો હતો જેથી કરીને કોર્ટમાં કેસ કરવામાં આવ્યો હતો જેમાં કોર્ટે આરોપીને બે વર્ષની સજા અને ફરિયાદીને વાર્ષિક 9 ટકા વ્યાજ સાથે રૂપિયા ચુકવવા માટે આદેશ કર્યો છે.
આ કેસની વકીલ પાસેથી મળતી માહિતી મુજબ વાંકાનેરના પીપળીયા (અગાભી) ગામે રહેતા મયુરસિંહ ગણપતસિંહ જાડેજા પાસેથી મોરબીમાં રહેતા મમદશા જુમાશા શાહમદારે સંબંધ દવે હાથ ઉછીના 3.75 લાખ રૂપિયા લીધેલ હતા જે પરત આપવા માટે મમદશાએ મયુરસિંહને ચેક આપ્યો હતો અને રાજકોટ નાગરિક સહકારી બેંક લી. મોરબી શાખાનો તા 5/6/23 નો ચેક આપ્યો હતો જે બેંકમાં જમા કરાવતા બેંકમાં ફંડ ઇનસફીશીયન્ટના શેરા સાથે ચેક રિટર્ન થયો હતો જેથી મયુરસિંહે મોરબીની કોર્ટમાં કેસ દાખલ કર્યો હતો જે કેસ કોર્ટમાં ચાલી જતાં મોરબીના મહે. બીજા એડીશનલ ચીફ જ્યુડી. મેજી. સાહેબે ફરિયાદી પક્ષના વકીલની ધારદાર દલીલોને ધ્યાને લઈને આરોપી મમદશા શાહમદારને 2 વર્ષની સાદી કેદની સજા અને ફરિયાદીને વળતર પેટે 3.75 લાખ રૂપિયા તા. 5/6/23 થી વાર્ષિક ૯ ટકાના વ્યાજ સાથે ચુકવવાનો હુકમ કર્યો છે અને જો વળતરની રકમ વ્યાજ સહીત આરોપી ન ચૂકવે તો તેને વધુ 6 માસની સાદી કેદની સજાનો આદેશ કર્યો છે અને આ કેસમાં ફરિયાદ પક્ષે મોરબીના એડવોકેટ એન્ડ નોટરી ભાવેશભાઈ ડી. ફૂલતરીયા અને રાજેશભાઈ જે. જોષી રોકાયેલ હતા.
