મોરબી શહેરમાં દારૂની જુદી-જુદી ત્રણ રેડ: ૯ બોટલ  દારૂ સાથે ત્રણ પકડાયા

મોરબી શહેરમાં ઘાંચી શેરી, કબીર આશ્રમ રોડ અને મહેન્દ્રનગર ચોકડી પાસે દારૂની જુદી-જુદી ત્રણ રેડ કરવામાં આવી હતી ત્યારે મળીને ૯ બોટલ દારૂ સાથે પોલીસે ત્રણ શખ્સોની ધરપકડ કરી છે અને આ શખ્સોની પાસે દારૂની બોટલો ક્યાંથી આવી હતી તેની તપાસ શરૂ કરવામાં આવી છે

મોરબીના વાવડી રોડ ઉપર આવેલ કબીર આશ્રમ પાસેથી પસાર થઈ રહેલા યુવાનને રોકીને પોલીસે તલાસી લેતાં તેની પાસેથી બે બોટલ દારૂ મળી આવ્યો હતો જેથી કરીને પોલીસે ૭૫૦ રૂપિયાની કિંમતના દારૂ સાથે મોરબી શહેરના નવાડેલા રોડ ઉપર આવેલ રાવલ શેરીમાં રહેતા કિશન ભીખાભાઈ રાવળદેવ (ઉંમર વર્ષ ૨૦) નામના યુવાનની ધરપકડ કરી છે અને તેની પાસેથી જે દારૂની બોટલ મળી તે દારૂનો જથ્થો ક્યાંથી આવ્યો તે દિશામાં તપાસ શરૂ કરવામાં આવી છે આવી જ રીતે મોરબી શહેરના મચ્છીપીઠ વિસ્તાર પાસે આવેલ ઘાંચી શેરીમાં રહેતા સુલતાન અબ્બાસભાઈ નોતીયાર (ઉંમર વર્ષ ૩૦) ના રહેણાંક મકાનની અંદર હોવાની બાતમી મળી હતી જેના આધારે પોલીસે રેડ કરતા તેના ઘરમાંથી ચાર બોટલ દારૂ મળી આવ્યો હતો જેથી કરીને પોલીસે દારૂ સાથે હાલમાં સુલતાનની ધરપકડ કરેલ છે જ્યારે મોરબી બી ડિવિઝન પોલીસ દ્વારા મહેન્દ્રનગર ચોકડી પાસે આવેલ શિવ એન્જિનિયરિંગ નામની દુકાનમાં દારૂ હોવાની બાતમી આધારે ત્યાં રેડ કરી હતી ત્યારે શિવ એન્જિનિયરિંગ નામની દુકાનમાંથી ત્રણ બોટલ દારૂ મળી આવ્યો હતો જેથી પોલીસે અલ્કેશ રામજીભાઈ થડોદા જાતે પટેલ (૩૬) પાસેથી ૨૫૫૦ રૂપિયાની કિંમતનો દારૃ કબજે કરીને હાલમાં તેની પાસે દારૂની બોટલ ક્યાંથી આવી હતી તે દિશામાં તપાસ શરૂ કરેલ છે
 

યુવાન સારવારમાં

મોરબીના બાયપાસ રોડ પાસે આવેલ દલવાડી સર્કલ નજીક રહેતા પ્યારું દાદુભાઇ સલાટ (ઉંમર ૩૪) નામના યુવાને કોઈ કારણોસર પોતાના ઘરે ગળાફાંસો ખાધો હતો જેથી કરીને તેને તાત્કાલિક સારવાર માટે મોરબી ક્રિષ્ના હોસ્પિટલ ખાતે ખસેડવામાં આવ્યો હતો અને હાલમાં તેની સારવાર ચાલી રહી છે આ બનાવની મોરબી સીટી એ ડીવીઝન પોલીસને જાણ કરવામાં આવતા પોલીસે બનાવની નોંધ કરીને આગળની તપાસ જમાદાર વિ.પી. છાસિયા ચલાવી રહ્યા હોવાનું જાણવા મળ્યું છે

વિછી કરડ્યો

મોરબીના જુના ઘુટુ રોડ ઉપર આવેલ સિલ્વર પાર્ક સોસાયટીમાં રહેતા કિરીટભાઈ સોલંકીના પત્ની આશાબેને (ઉંમર ૪૨) ઘરે હતા ત્યારે તેમના ઘરની બાજુમાં તેઓને વિછી કરડી જતાં તેઓને ઝેરી અસર થઇ હતી માટે આશાબેન સોલંકીને સારવાર માટે મોરબીની હોસ્પિટલ ખાતે ખસેડવામાં આવ્યા હતા અને આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરેલ છે

“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”