મોરબીની વાવડી ચોકડીએ ટ્રક ચાલકે બાઇકને હડફેટે લેતા આધેડનું મોત
SHARE
JOIN OUR GROUP
મોરબીની વાવડી ચોકડી પાસેથી બાઇક લઇને જઇ રહેલા આધેડના બાઇકને ટ્રક ચાલકે અડફેટે લીધું હતું જેથી કરીને બાઈક ચાલકને ગંભીર ઈજાઓ થઈ હતી તેનું મોત નિપજ્યું હતું. આ બનાવ અંગે મૃતકના કાકાના દીકરા ભાઈએ મોરબી સીટી એ ડીવીઝન પોલીસ સ્ટેશન ખાતે ટ્રક ચાલક સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે
બનાવની જાણવા મળતી વિગત મુજબ મોરબી નજીકના વાવડી ગામ પાસે આવેલ મારુતિ સોસાયટીમાં રહેતા અને મિસ્ત્રી કામ કરતાં જયેશભાઈ જગજીવનભાઈ વડગામા (55) પોતાનું બાઇક નંબર જીજે ૩ એફએફ ૬૫૧૨ લઈને નાનીવાવડી ગામ તરફથી મોરબી તરફ આવી રહ્યા હતા ત્યારે વાવડી ચોકડી પાસે તેઓના બાઇકને ટ્રક નંબર એમએચ ૪૩ વાય ૭૬૦૯ ના ચાલકે અડફેટે લીધું હતું જેથી કરીને જયેશભાઇને શરીરે નાનીમોટી ઈજાઓ થઈ હતી અને તેઓનું મોત નિપજ્યું હતું. આ બનાવમાં હાલમાં મૃતક જયેશભાઈના કાકાના દીકરા ભાઈ અરવિંદભાઈ ત્રિભોવનભાઈ વડગામમાં જાતે મિસ્ત્રી (ઉંમર ૪૮) રહે. વાવડી રોડ વાટીકા સોસાયટી વાળાએ ફરિયાદ નોંધાવતા પોલીસે આગળની કાર્યવાહી હાથ ધરી છે
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
