માળીયા (મી)ના માણાબાં પાસે ડમ્પર ચાલકે બાઇકને હડફેટે લેતા ઇજા પામેલા યુવાન સારવારમાં

માળીયા મીયાણા તાલુકાની હદમાં આવતા માણાબા ગામ તરફ જવાના રસ્તા ઉપર આવતા વિજયનગર ગામ પાસે ડમ્પર ચાલકે બાઈકને લીધું હતું જેથી કરીને અકસ્માતનો બનાવ બન્યો હતો અને તેમાં યુવાનને ઇજા થઈ હોવાથી તેને સારવારમાં ખસેડાયો હતો અને અકસ્માતના આ બનાવ સંદર્ભે ઈજાગ્રસ્ત યુવાનના ભાઈએ માળિયા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવની જાણવા મળતી માહિતી પ્રમાણે માળિયા મીયાણા તાલુકાના માણાબા ગામે રહેતા અશોકસિંહ દિલુભા જાડેજા (૫૧) એ હાલમાં માળિયા તાલુકા પોલીસ સ્ટેશન ખાતે ડમ્પર નંબર જીજે ૩૬ વી ૯૫૮૩ ના ચાલક દિલીપ ઉર્ફે દીલો નાગજીભાઈ ઝિંઝવાડીયા રહે. માણાબા વાળા સામે ફરિયાદ નોંધાવી છે જેમાં તેમણે જણાવ્યું છે કે તેઓના ભાઈ માણાબા ગામ તરફ જવાના રસ્તે વિજયનગર ગામ પાસેથી પોતાનું બાઈક નંબર જીજે ૩ ઈએફ ૦૯૨૬ ને લઈને જતા હતા ત્યારે ડમ્પર ચાલકે તેના ભાઈ અમીરતસિંહ દિલુભા જાડેજાના બાઈકને હડફેટે લીધું હતું જેથી કરીને અકસ્માતનો બનાવ બન્યો હતો અને તેમાં બાઇક ચાલક અમીરતસિંહને પાંસળીના ભાગે તથા ઇજા થઈ હતી આ અકસ્માત સર્જીને ડમ્પર ચાલક પોતાનું વાહન લઈને ઘટના સ્થળેથી નાસી ગયો હતો જેથી કરીને ઇજા પામેલા અમીરતસિંહને સારવાર માટે હોસ્પિટલે ખસેડવામાં આવ્યા હતા અને અકસ્માતના આ બનાવ સંદર્ભે અશોકસિંહ જાડેજાએ ડમ્પર ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે