મોરબીના કંડલા બાયપાસ નજીક રહેતા પરિવારની સગીર વયની દીકરી સાથે દુષ્કર્મ આચરનાર જેલ હવાલે
SHARE
JOIN OUR GROUP
મોરબીના કંડલા બાયપાસ નજીક રહેતા પરિવારની સગીર વયની દીકરી સાથે દુષ્કર્મ આચરનાર જેલ હવાલે
મોરબીના કંડલા બાયપાસ ઉપર રહેતા પરિવારની સગીરવયની દીકરીની સાથે દૂર વ્યવહાર કરવામાં આવ્યો હોય ભોગ બનેલ પરિવાર દ્વારા ફરિયાદ નોંધાવવામાં આવી હતી જેથી એ ડિવિઝન પોલીસ દ્વારા આ અંગે તપાસ હાથ ધરવામાં આવેલ અને આરોપીને પકડીને જેવ હવાલે કરાયો હોવાનું સૂત્રોમાંથી જાણવા મળેલ છે.
વધુમાં મળતી માહિતી મુજબ મોરબીના કંડલા બાયપાસ ઉપરના રહેણાંક વિસ્તારમાં રહેતા એક પરિવારની સગીર વયની દીકરી સાથે બળજબરીપૂર્વક દુષ્કર્મ આચારવામાં આવ્યું હતું અને બાદમાં સગીરને "તારા ભાઈ અને પિતાને મારી નાંખીશ" તેવી ધમકી આપવામાં આવી હતી જેથી કરીને ભોગ બનેલ સગીરા ડરી ગઈ હતી બાદમાં પરિવારજનોને સમગ્ર હકીકતની જાણ થતા મોરબી સીટી એ ડિવિઝન પોલીસ મથક ખાતે સગીરાના પિતાએ નરસી નથુભાઇ સોલંકી નામના શખ્સની સામે ફરિયાદ નોંધાવતા પોલીસે આઈપીસી કલમ ૩૭૬ (દુષ્કર્મ), પોકસો સહીતની હેઠળ ગુનો નોંધ્યો હતો જેની તપાસ પીએસઆઇ પુષ્પાબેન આર.સોનારાને સોંપવામાં આવેલ હોય તેઓએ દુષ્કર્મ અને પોકસોના ગુનામાં નરસી નથુભાઇ સોલંકી (ઉમર ૩૩) રહે. પચ્ચીસ વારીયા હનુમાન મંદીરની પાસે કંડસા બાયપાસ મોરબીની ધરપકડ કરીને તેને જેલ હવાલે કરાયો છે.
વાહન અકસ્માતના બનાવમાં ઈજા
મોરબીના ધુળકોટ ગામે રહેતો નરેશ મનજીભાઈ પરમાર નામનો યુવાન ગઈકાલે સાંજના સાતેક વાગ્યાના સમયે કામ ઉપરથી પરત ઘરે જતો હતો ત્યારે રસ્તામાં અમરાપર અને વાવડી ગામ વચ્ચે તેના બાઇકની આડે અચાનક રોજડુ આડુ ઉતરતા બાઈક સ્લીપ થઈ ગયું હતું. જેથી તે પગના ભાગે ઈજા પામતા તેને અત્રેની આયુષ હોસ્પિટલે ખસેડાયો હતો.હાલ તાલુકા પોલીસ મથકના જે.એમ. જાડેજા બનાવની તપાસ ચલાવી રહ્યા છે.જ્યારે મોરબીના સામાકાંઠે સોઓરડી વિસ્તારમાં રહેતા બાબુભાઈ મોહનભાઈ મુંધવા નામના યુવાનને આરગીલ સિરામિક નજીક આઇસર ટ્રકના ચાલકે હડફેટે લેતા હાથે-પગે અને પેટના ભાગે ઇજાઓ પામતા તેને સારવારમાં ખસેડાયો હતો.જેથી બી ડિવિઝન પોલીસ મથકના પ્રફુલભાઈ પરમાર દ્વારા આ અંગે તપાસ ચલાવવામાં આવી રહી છે.
મારામારીના ગુનામાં ધરપકડ
મોરબીના શકત શનાળા ગામે કાર ચલાવતા સમયે બોલાચાલી થયા બાદ સામસામી મારામારી થઈ હતી જે બનાવવામાં તપાસ અધિકારી નંદરામભાઇ મેસવાણીયા દ્વારા અગાઉ અમુક હુમલાખોરોની ધરપકડ કરવામાં આવી હતી. જે ઉપરાંત ગઈકાલે વધુમાં નીતિન મહેશ સોલંકી (ઉમર ૨૦) રહે. શનાળા મુરલીધર હોટલ પાછળ વાળાની ઉપરોક્ત મારામારીના બનાવમાં ધરપકડ કરવામાં આવી હતી.
