મોરબીના લાલપર પાસેથી હાથ બનાવટના જામગરી હથિયાર સાથે એક પકડાયો
SHARE
JOIN OUR GROUP
મોરબીના લાલપર પાસેથી હાથ બનાવટના જામગરી હથિયાર સાથે એક પકડાયો
મોરબી તાલુકાના લાલપર ગામના બસ સ્ટેન્ડ પાસેથી પસાર થતાં શખ્સને રોકીને પોલીસે ચેક કરતા તેની પાસેથી દેશી બનાવટની જામગરી જેવું હથિયાર મળી આવ્યું હતું જેથી કરીને પોલીસે બે હજાર રૂપિયાની કિંમતનું હથિયાર કબજે કરીને હાલમાં તે શખ્સની ધરપકડ કરી મોરબી તાલુકા પોલીસ સ્ટેશન ખાતે આર્મ્સ એક્ટ હેઠળ ગુનો નોંધી આગળની કાર્યવાહી હાથ ધરેલ છે
વિધાનસભાની ચૂંટણીને ધ્યાનમાં રાખીને હાલમાં ગેરકાયદેસર હથિયાર પકડવા માટે અને ગુનેગારોને પકડવા માટે થઈને પોલીસ દ્વારા કવાયત કરવામાં આવી રહી છે જેના ભાગરૂપે મોરબી તાલુકાના લાલપર ગામ પાસે બસ સ્ટેન્ડ નજીકથી પસાર થતા શખ્સને રોકીને પોલીસે ચેક કર્યો હતો ત્યારે તેની પાસે પેન્ટના નેફામાંથી હાથ બનાવટની લોખંડની જામગરી જેવું હથિયાર મળી આવ્યું હતું જેથી કરીને પોલીસે બે હજાર રૂપિયાની કિંમત હથિયાર કબજે કરેલ છે અને સંજયભાઈ ભરતભાઈ ઝિંઝવાડીયા જાતે કોળી (૨૬) રહે. વિદ્યાનગર સોસાયટી એન.જી. મહેતા સાયન્સ કોલેજ સામે આશાપુરા પાન પાસે મોરબી મૂળ રહે વેજલપર વાળાની ધરપકડ કરેલ છે અને તે આ હથિયાર ક્યાંથી લાવ્યો હતો તે દિશામાં પોલીસે તપાસ શરૂ કરી છે
જુગાર
મોરબીના વાવડી રોડ ઉપર બાપાસીતારામની મઢુલી પાસે વરલી જુગારના આંકડા લેવામાં આવતા હોવાની બાતમી મળી હતી જેના આધારે પોલીસે ત્યાં રેડ કરતા સ્થળ ઉપર મનોજગર બટુકગત ગોસ્વામી જાતે બાબાજી (ઉંમર ૩૪) રહે. ભગવતી પાર્ક વાવડી રોડ વાળો વરલી જુગારના આંકડા લેતા મળી આવ્યો હોય તેની પાસેથી ૩૦૦ ની રોકડ કબજે કરી પોલીસ આગળની કાર્યવાહી હાથ ધરી હતી
જુગાર
મોરબીના જેતપર ગામની સીમમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરતા સ્થળ ઉપરથી ધર્મેન્દ્રભાઈ ગોકળભાઈ હમીરપરા જાતે કોળી, લાલજીભાઈ ધનજીભાઈ સાતોલીયા જાતે કોળી અને પેથાભાઇ સિધ્ધરાજભાઈ હમીરપરા જાતે કોળી જુગાર રમતા મળી આવ્યા હોય પોલીસે ૩૬૦ રૂપિયાની રોકડ કબજે કરી આગળની કાર્યવાહી હાથ ધરી હતી
