મોરબી માળિયા વિધાનસભા બેઠક ઉપર કાંતિભાઈ અને ભાજપનું બુલડોઝર ફરી વળ્યું : આમ આદમી પાર્ટી નામશેષ
Morbi Today
મોરબી જિલ્લાની કાંટે કી ટકકર જેવી ત્રણ બેઠકો ઉપર ૧૮,૮૯૬ યુવા મતદારો બનશે ગેમ ચેંજર
SHARE
JOIN OUR GROUP
મોરબી જિલ્લાની કાંટે કી ટકકર જેવી ત્રણ બેઠકો ઉપર ૧૮,૮૯૬ યુવા મતદારો બનશે ગેમ ચેંજર
મોરબી જીલ્લામાં આવતી વિધાનસભાની ત્રણ બેઠકોમાં નવા નવ હજાર જેટલા યુવા મતદારો તેમજ કુલ મળીને ૧૮૮૯૬ યુવા મતદાર પ્રથમ વખત મતદાન કરશે જેથી કરીને હાલમાં રાજકોય પંડિતો દ્વારા જે ગણિત માંડવામાં આવી રહ્યું છે તેમાં યુવા મતદારો ભલભલાના ગણિત ઉંધા વાળી દેશે તેવું કહીએ તો તેમાં જરાપણ અતિશયોક્તિ નથી અને આ નવા મતદારો કોને ફળશે અને કોને નળશે તે તો આગામી સમય જ બતાવશે.
આગામી પહેલી તારીખે વિધાનસભાની ચૂંટણી માટે મતદાન થવાનું છે ત્યારે સમગ્ર ગુજરાત અને ખાસ કરીને મોરબીમાં કાંટે કી ટક્કર જેવો માહોલ છે તે દરમિયાનમાં નવા મતદારો કોની માથે કળશ ઢોળશે તે હાલ ચર્ચાનો વિષય બન્યો છે. આ જિલ્લામાં નવા મતદારોની નોંધણી માટે ૧૫ હજારથી વધુ અરજીઓ મળી છે.અત્યાર સુધીમાં નામ કમી, નામમાં કે ફોટોમાં ફેરફાર, આધાર કાર્ડ સાથે ચૂંટણી કાર્ડ લીંક સહિતની ૮૬ હજારથી વધુ અરજીઓ આવી હતી અને હાઉસ ટુ હાઉસ સર્વે સહિત અનેક કાર્યક્રમો દ્વારા મતદાર યાદી સુધારાના ચૂંટણી શાખાના સઘન પ્રયાસો તંત્ર દ્રારા કરવામાં આવ્યા હતા આ વિધાનસભાની ચૂંટણીમાં પ્રથમ વખત નવા યુવા મતદારો દેશના સૌથી મોટા લોકશાહીના પર્વને ટકાવી રાખવા માટે મતદાન કરવાના છે ત્યારે યુવા મતદારો ગેમ ચેંજર સાબિત થાય તો નવાઈ નથી મોરબી જિલ્લામાં મતદાન પ્રત્યે લોકજાગૃતી વધે અને ૧૮ વર્ષ પૂર્ણ કરેલ કોઇ યુવા મતદાર મતદાનથી વંચિત ન રહે માટે અધિકારીઓ દ્વારા પૂરે પૂરી તકેદારી રાખવામા આવી હતી અત્રે ઉલેખનીય છે કે, મોરબી માળીયા બેઠકમાં ૨.૮૬ લાખથી વધુ, ટંકારા પડધરી બેઠકમમાં ૨.૪૯ લાખથી વધી અને વાંકાનેર કુવાડવા બેઠકમાં ૨.૮૧ લાખથી વધુ મતદારો નોંધાયેલા છે.અને આ ત્રેણય બેઠકોમાં છેલ્લી મતદાર યાદીમાં નવા ૧૮૮૯૬ મતદારો ઉમેરાયા છે જે કેટલાકના રાજકારણ પૂરા કરી નાખશે.
