મોરબીની સજજનપર પ્રાથમિક શાળાનો વિદ્યાર્થી વાર્તા કથનમાં જિલ્લા પ્રથમ
Morbi Today
મોરબી જિલ્લાની ત્રણ વિધાનસભા બેઠક માટે ૯૦૬ મતદાન મથકો ઉપર ઇવીએમ સહિતનું સાહિત્ય રવાના
SHARE
JOIN OUR GROUP
મોરબી જિલ્લાની ત્રણ વિધાનસભા બેઠક માટે ૯૦૬ મતદાન મથકો ઉપર ઇવીએમ સહિતનું સાહિત્ય રવાના
મોરબી જિલ્લાની વિધાનસભાની ત્રણ બેઠકો ઉપર આવતીકાલે સવારથી મતદાન થવાનું છે ત્યારે પહેલા હાલમાં ઇવીએમ મશીન સહિતનું સાહિત્ય તમામ મતદાન મથકો ઉપર પહોંચાડવા માટેની કામગીરી ચૂંટણી વિભાગ દ્વારા શરૂ કરવામાં આવી છે અને જિલ્લાના ૯૦૬ મતદાન મથકો ઉપર આવતીકાલે સવારેથી મતદારો તેના મતાધિકારનો શાંતિપુર્ણ માહોલમાં ઉપયોગ કરીને મતદાન કરી શકે અને તેના માટે પોલીસ દ્વારા પૂરતો બંદોબસ્ત ગોઠવવામાં આવેલ છે.
ગુજરાત વિધાનસભાની ચૂંટણી માટે પ્રથમ તબક્કાનું મતદાન પહેલી તારીખના રોજ યોજવાનું છે અને તેમાં મોરબી જિલ્લાની ત્રણ બેઠકોનો સમાવેશ થાય છે જેમા મોરબી માળિયા, ટંકારા પડધરી અને વાંકાનેર કુવાડવા બેઠક માટે પણ આવતીકાલે સવારે આઠ વાગ્યાથી મતદાનની પ્રક્રિયા શરૂ થવાની છે ત્યારે પહેલા આજે મોરબી જિલ્લામાં આવતી ત્રણેય વિધાનસભાની બેઠકો માટે થઈને ઇવીએમ મશીન, વીવીપેટ સહિતનું સાહિત્ય મોકલવા માટેની કામગીરી હાલમાં ચૂંટણી વિભાગ દ્વારા શરૂ કરવામાં આવી છે અને જો વાત કરીએ બેઠક વાઈઝ તો મોરબી માળિયા વિધાનસભા બેઠકમાં ૨૯૯, ટંકારા પડધરી બેઠકમાં ૩૦૦ અને વાંકાનેર કુવાડવા બેઠકમાં ૩૦૭ મતદાન બુથનો સમાવેશ થાય છે તેના માટે થઈને હાલમાં ચૂંટણી સ્ટાફ અને પોલીસ બંદોબસ્ત ને રવાના કરવામાં આવ્યો છે ખાસ કરીને મોરબી જિલ્લામાં કુલ મળીને ૩૧ ક્રિટિકલ મતદાન મથકો આવે છે આ મતદાન મથકો સહિત સમગ્ર જિલ્લામાં શાંતિપૂર્ણ માહોલની અંદર મતદારો તેના મતાધિકારનો ઉપયોગ કરીને મતદાન કરી શકે તે માટેની વ્યવસ્થા ચૂંટણી વિભાગ અને પોલીસ વિભાગ દ્વારા ગોઠવવામાં આવી છે અને આ ઉપરાંત ચૂંટણી પંચની ગાઈડલાઈન મુજબ સખી મતદાન બુથ, વિકલાંગો માટે વિશેષ મતદાન બુથ અને મોરબીની આગવી ઓળખ ઉભી કરે તેવા મતદાન બુથ પણ ઉભા કરવામાં આવેલ છે તેવુ મોરબીના ચૂંટણી અધિકારી દેવેન્દ્રસિંહ ઝાલાએ જણાવ્યુ છે.
