વાંકાનેરના સરતાનપર રોડે રિવર્સમાં આવેલ લોડર શ્રમિક યુવાન માટે કાળ બન્યું
SHARE
JOIN OUR GROUP
વાંકાનેરના સરતાનપર રોડે રિવર્સમાં આવેલ લોડર શ્રમિક યુવાન માટે કાળ બન્યું
વાંકાનેર તાલુકાના સરતાનપર માટેલ રોડ ઉપર આવેલ સીરામીક કારખાનામાં લોડરના ચાલકે પાછળ જોયા વગર તેનું વાહન રિવર્સમાં લીધું હતું અને ત્યારે તેણે પાછળ જઈ રહેલા યુવાનને હડફેટે લીધો હતો જેથી તેને માથાના ભાગે અને શરીરે ગંભીર ઈજા થઈ હતી જેથી કરીને તેને પ્રાથમિક સારવાર આપ્યા બાદ વધુ સારવાર માટે રાજકોટ લઈ ગયા હતા જો કે, સારવાર કારગત નહીં નિવડતા તેનું મોત નીપજ્યું હતું જેથી હાલમાં મૃતક યુવાનના પિતા દ્વારા લોડરના ચાલક સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મૂળ બિહારના રહેવાસી મોહમ્મદવકીલ મહોમદઅબ્દુલ રજાક જાતે મુસ્લિમ (૫૧) એ હાલમાં વાંકાનેર તાલુકા પોલીસ સ્ટેશન ખાતે લોડર નંબર જીજે ૩ ઈએ ૮૫૨૮ ના ચાલક સામે ફરિયાદ નોંધાવી છે જેમાં તેને જણાવ્યું છે કે તેનો દીકરો નસીમુદ્દીન મહમદવકીલ રજાક (૨૩) મોરબીના સરતાનપર માટેલ રોડ ઉપર આવેલ લેન્ડડેકોર કારખાનામાં છેલ્લા એક વર્ષથી મેન્ટેનન્સ વિભાગમાં કામ કરતો હતો અને તેનો દીકરો કારખાનામાં બપોરના સાડા બાર વાગ્યાના અરસામાં કામ કરી રહ્યો હતો ત્યારે લોડરના ચાલકે પાછળ જોયા વગર તેનું વાહન રિવર્સમાં લીધું હતું અને ત્યારે નસીમુદીનને હડફેટ લીધો હતો જેથી તેને માથા અને શરીરે ગંભીર ઈજા થઈ હોવાથી તેને પ્રાથમિક સારવાર આપીને વધુ સારવાર માટે રાજકોટની ખાનગી હોસ્પિટલમાં લઈ ગયા હતા જોકે સારવાર કારગત નહીં નિવડતા તેનું મોત નીપજ્યું હતું જેથી કરીને હાલમાં મૃતક યુવાનના પિતા દ્વારા નોંધાવવામાં આવેલ ફરિયાદ આધારે પોલીસે લોડરના ચાલકની સામે ગુનો નોંધીને તેને પકડવા માટે તજવીજ શરૂ કરેલ છે
