ટંકારાની લતીપર ચોકડીએથી પીસ્તોલ સાથે એક ઝડપાયો

મોરબી જિલ્લા પેરોલ ફર્લો સ્કવોડની ટીમે વાંકાનેર પાસેથી પિસ્તોલ સાથે એક શખ્સને પકડ્યો તેની સહી સુકાઈ નથી ત્યાં ટંકારાની લતીપર ચોકડી પાસેથી પીસ્તોલ સાથે એક શખ્સને પકડવામાં આવેલ છે જેની માહિતી આપતા પોલીસે જણાવ્યુ હતું કે, મોરબી એલસીબીના પીએસઆઈ એન.બી.ડાભીને ખાનગીરાહે બાતમી મળી હતી જેના આધારે પોલીસે ટંકારાની લતીપર ચોકડી પાસે આવેલ રાજશકિત હોટલ સામેથી રતાભાઇ ખોડાભાઇ રાતડીયા (ઉ.૨૯) રહે, રાજકોટ ૧૫૦ ફુટ રીંગ રોડ, રામાપીર ચોકડી બંસીધર પાર્ક પ્લોટ નં-૮૭૧ મુળ સામપર (માધાપર) તાલુકો જોડીયા વાળાની દેશી બનાવટની મેગ્જીન વાળી એક પીસ્તોલ જેની કિંમત ૧૦ હજાર સાથે આરોપીને પકડી લેવામાં આવેલ છે આ કામગીરી પીઆઇની સૂચન મુજબ પીએસઆઈ અને દિલીપભાઇ ચૌધરી, વિક્રમસિંહ બોરાણા, સંજયભાઇ મૈયડ, જયવંતસિંહ ગોહીલ, દશરથસિંહ ચાવડા, ભગીરથસિંહ ઝાલા, નંદલાલ વરમોરા, રણવીરસિંહ જાડેજાએ કરી હતી.