મોરબી અને મકનસર ગામે જુગારની જુદી જુદી ત્રણ રેડમાં ચાર મહિલા સહિત કુલ ૧૬ જુગારી ઝડપાયા
Morbi Today
મોરબીમાં માતાએ રૂપિયા દેવાની ના કહેતા કપાતર દિકરાએ ગાળો આપી, પિતાને માર માર્યો: ત્રણ વ્યક્તિને જાનથી મારી નાખવાની ધમકી
SHARE
JOIN OUR GROUP
મોરબીમાં માતાએ રૂપિયા દેવાની ના કહેતા કપાતર દિકરાએ ગાળો આપી, પિતાને માર માર્યો: ત્રણ વ્યક્તિને જાનથી મારી નાખવાની ધમકી
મોરબીના વાવડી રોડ ઉપર આવેલ કારીયા સોસાયટીમાં રહેતા આધેડ મહિલા પાસે તેના દીકરાએ પૈસાની માંગણી કરી હતી ત્યારે તેણે પૈસા આપવાની ના પાડી હતી જેથી કરીને કપાતર દિકરાએ તેની માતાને જેમ ફાવે તેમ ગાળો આપી હતી ત્યારે તેના પિતાએ તેને ગાળો બોલવાની ના પાડતા દીકરાએ તેના પિતાની સાથે ઝપાઝપી કરી ઢીકાપાટુનો માર માર્યો હતો અને લાકડી વડે માર માર્યો હતો તેમજ માતા પિતા સહિત ત્રણ વ્યક્તિઓને જાનથી મારી રાખવાની ધમકી આપેલ છે જેથી કરીને ભોગ બનેલ માતાએ તેના જ દીકરા સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે ચક્રો ગતિમાન કર્યા છે
બનાવની જાણવા મળતી માહિતી મુજબ મોરબીના વાવડી રોડ ઉપર આવેલ કારીયા સોસાયટીમાં શંકરના મંદિરની પાછળના ભાગમાં રહેતા માઈકાબેન મેઘાભા જુવા જાતે ગઢવી (૫૦) નામના મહિલાએ તેના દીકરા અજીત મેઘાભા ગઢવી રહે કારીયા સોસાયટી મોરબી વાળાની સામે ફરિયાદ નોંધાવેલ છે જેમાં તેને જણાવ્યું છે કે ફરિયાદી મહિલા પાસે આવીને તેના દીકરા અજીત ગઢવીએ રૂપિયાની માંગણી કરી હતી ત્યારે તેણે રૂપિયા આપવાની ના પાડતા આરોપીએ તેની માતાને જેમ ફાવે તેમ ગાળો દીધી હતી અને ગાળો દેવાની તેના પિતાએ ના પાડતા આરોપી દીકરાએ તેના પિતા સાથે જપાજપી કરી ઢીકાપાટુનો માર માર્યો હતો તેમજ લાકડાના ધોકા વડે પગમાં માર મારીને ઇજા કરી હતી આટલું જ નહીં પરંતુ માતા-પિતા તેમજ સાહેદ રંજનબેનને જાનથી મારી નાખવાની ધમકી આપી હતી જેથી કરીને ભોગ બનેલ માતાએ હાલમાં તેના જ દીકરાની સામે મોરબી એ ડિવિજન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
