મોરબીના પીપળી રોડ ઉપર ડબલ સવારી બાઇક સ્લીપ થતા એક યુવાનનું મોત, એક ઇજાગ્રસ્ત સારવારમાં મોરબીમાં સંતો-મહંતો, સાંસદ, ધારાસભ્ય, માજી મંત્રી વિગેરેની હાજરીમાં સમરસ યુવા સંગઠન દ્વારા 65 દીકરીઓના સમૂહલગ્ન યોજાયા મોરબીના આમરણ નજીક બાઇક સ્લિપ થતાં ઉર્ષમાંથી પરત ફરતા સલાયાના બે યુવાનોના મોત મોરબીની મચ્છીપીઠ અને લીલાપર રોડ પર મારામારી : ઈજાગ્રસ્તોને રાજકોટ ખસેડાયા મોરબીના બરવાળા પાસે સગર્ભા પત્નીને માવતરે તેડવાં જતા યુવકને અકસ્માત નડ્યો : મોત મોરબીમાં ત્રણ બોટલ દારૂ સાથે બે અને હળવદમાં 11 બોટલ સાથે એક પકડાયો મોરબી જિલ્લામાં વિવિધ સરકારી વિભાગોને જમીન ફાળવણીના 38 હુકમો એનાયત બાહેંધરીનો ભંગ થતા કાર્યવાહી: મોરબીના ખાટકીવાસમાં 2 કતલખાના સીલ
Breaking news
Morbi Today

મોરબીમાં એસીનું પાણી ઘરમાં પડતું હોવાનો ખાર રાખીને યુવાનને સાત શખ્સોએ માર માર્યો


SHARE







































મોરબીમાં એસીનું પાણી ઘરમાં પડતું હોવાનો ખાર રાખીને યુવાનને સાત શખ્સોએ માર માર્યો

મોરબીના મહેન્દ્રનગર ગામે આવેલ હનુમંત એપાર્ટમેન્ટમાં રહેતા યુવાનના ઘરમાં મૂકવામાં આવેલ એસીનું પાણી ઘરમાં પડતું હતું તે બાબતનો ખાર રાખીને યુવાન સાથે બોલાચાલી અને ઝપાઝપી કરી હતી ત્યારબાદ શેરીમાં યુવાન ભેગો થતાં તેને ગાળો આપીને માથામાં ધોકો માર્યો હતો અને જાનથી મારી નાખવાની ધમકી આપી હતી જેથી કરીને ભોગ બનેલ યુવાને સારવાર લીધા બાદ મોરબી બી ડિવિઝન પોલીસ સ્ટેશન ખાતે સાત શખ્સોની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરી છે.

જાણવા મળતી માહિતી મુજબ મોરબીના મહેન્દ્રનગર ગામ પાસે આવેલ હનુમંત એપાર્ટમેન્ટના બ્લોક નં- 302 માં રહેતા અશ્વિનભાઈ ઓધવજીભાઈ વરમોરા જાતે પટેલ (38)એ હાલમાં ધવલભાઈ શેરસીયા, આશિષભાઈ આહીર, કેવલભાઈ ડાભી, ઉદયભાઇ શેરસિયા, જેરામભાઈ ડાભી, પ્રદીપભાઈ આહીર અને ધ્રુવભાઈ પટેલની સામે બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેનેજણાવ્યુ છે કે, તેઓના ફ્લેટમાં મુકેલ એસીનું પાણી ધવલ શેરસિયાના ઘરમાં પડતું હતું. તે બાબતનો ખાર રાખીને ધવલ, આશિષ અને કેવલ તેના ઘરે આવ્યા હતા અને તેની સાથે બોલાચાલી કરી ગાળો આપીને ઝપાઝપી કરી હતી અને ત્યારબાદ ફરિયાદી યુવાન શેરીમાં ભેગો થતા તેને ઉદય, જેરામ, પ્રદીપ અને ધ્રુવ દ્વારા ગાળો આપીને જપાજપી કરવામાં આવી હતી ત્યારે ઉદયએ લાકડાનો ધોકો ફરિયાદ યુવાને માથામાં માર્યો હતો અને તેની સાથે સાહેદને પણ વચ્ચે પડતા માર માર્યો હતો તેમજ જાનથી મારી નાખવાની ધમકી આપી હતી. જેથી કરીને ભોગ બનેલા યુવાને સારવાર લીધા બાદ મોરબી બી ડિવિઝન પોલીસ સ્ટેશન ખાતે ફરિયાદ નોંધાવી છે જેના આધારે પોલીસે ગુનો નોંધીને આરોપીઓને પકડવા માટે તજવીજ શરૂ કરી છે

બાઇક સ્લીપ
મોરબીમાં રવાપર રોડ ઉપર આવેલ દર્શન એપાર્ટમેન્ટ રામસેતુ સોસાયટી ખાતે રહેતા શૈલેષભાઈ લાલજીભાઈ બાવરવા (45) નામનો યુવાન મોરબીના ઘૂટું ગામથી માંડલ ગામ તરફ જવાના રસ્તા ઉપર બાઈક લઈને જઈ રહ્યો હતો. ત્યારે કેનાલ પાસે કોઈ કારણોસર તેનું બાઇક સ્લીપ થયું હતું. જેથી અકસ્માત થયો હતો જેમાં શૈલેષભાઈને ઇજા થતાં તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે














Latest News