માળીયા (મી)-ટંકારા ગામે સામુહિક આરોગ્ય કેન્દ્રમાં કેન્સર સ્ક્રીનીંગ કેમ્પનું આયોજન

મોરબી જિલ્લાના માળીયા અને ટંકારા ગામે આવેલ સામુહિક આરોગ્ય કેન્દ્ર ખાતે કેન્સર સ્ક્રીનીંગ કેમ્પનું આયોજન કરવામાં આવ્યું છે જેનો વધુમાં વધુ લોકોને લાભ લેવા માટે અધિકારી દ્વારા અનુરોધ કરવામાં આવેલ છે.

મોરબી જિલ્લામાં જિલ્લા વિકાસ અધિકારીના સીધા માર્ગદર્શન હેઠળ આરોગ્ય શાખા દ્વારા GCRI અમદાવાદ તથા સૌરાષ્ટ્ર કેન્સર કેર રાજકોટનાં સયુંકત ઉપક્રમે તા.૧૧/૭ ને ગુરુવારનાં રોજ માળીયા(મી) તાલુકામાં સામુહિક આરોગ્ય કેન્દ્ર ખાતે અને તા.૧૨/૭ ને શુક્રવારનાં રોજ ટંકારાના સામુહિક આરોગ્ય કેન્દ્ર ટંકારા ખાતે સવારે ૯ થી બપોરે ૩ વાગ્યા સુધી વિવિધ પ્રકારના કેન્સરનાં રોગ અંગેનું નીદાન અંગેનો સ્ક્રીનીંગ કેમ્પનું આયોજન કરવામાં આવેલ છે. આ સ્ક્રીનીંગ કેમ્પમાં GCRI અમદાવાદ તથા સૌરાષ્ટ્ર કેન્સર કેરમાંથી વિવિધ કેન્સર રોગના સ્પેશીયાલીસ્ટ ડોક્ટરો સેવા આપશે. અને જરૂર જણાયે દર્દીઓને આગળની તપાસ કે સારવાર માટે રીફર કરવામાં આવશે. જેથી કરીને મોરબી જીલ્લામાં રહેલા લોકોએ સ્ક્રીનીંગ કેમ્પનો લાભ લેવા માટે અધિકારી દ્વારા અનુરોધ કરવામાં આવેલ છે.