મોરબી નજીક કુદરતી હાજતે ગયેલ આધેડનું હાર્ટ અટેકથી મોત

મોરબીમાં કામ કરવા માટે આવેલ આધેડ કુદરતી હાજતે ગયા હતા અને ત્યાં હાર્ટ અટેક આવતા તેમનું મોત નીપજયું છે તે અંગેની મોરબી તાલુકા પોલીસને જાણ કરવામાં આવી છે.

આધેડનું મોત

મોરબીના લીલાપર રોડ ઉપર આવેલ સોહમ પેપર મિલના ક્વાર્ટરમાં રહેતા અને મજૂરી કામ કરતાં ખુશનસીબ ઈશાકહુશેન (49) નામના આધેડ કુદરતી હાજતે ગયા હતા અને ત્યાં હાર્ટ અટેક આવતા તેમનું મોત નીપજ હતું ત્યારબાદ તેના મૃતદેહને મોરબીની સરકારી હોસ્પિટલે લઈને આવ્યા હતા અને આ બનાવની મોરબી તાલુકા પોલીસ જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

બાળકી સારવારમાં

મોરબીમાં સનાળા રોડ ઉપર મોમ્સ હોટલની પાછળના ભાગમાં આવેલ ભાંડિયાની વાડી ખાતે રહેતા વિદ્યાબેન જયેશભાઈ નકુમ (7) નામની બાળકી બાઇકમાં બેસીને વજેપર પ્રાથમિક શાળા પાસેથી પસાર થઈ હતી ત્યારે કોઈ કારણસર બાઈક સ્લીપ થતાં બાળકી રસ્તા ઉપર નીચે પડી હતી અને તેને ઇજા થતાં સારવાર માટે મોરબીની ખાનગી હોસ્પિટલમાં લાવ્યા હતા ત્યાં તેને સારવાર આપીને આ બનાવની મોરબી એ ડિવિઝન પોલીસને જાણ કરવામાં આવતા પોલીસ આગળની કાર્યવાહી હાથ કરી હતી

મારામારીમાં ઇજા

મોરબીના સોઓરડી વિસ્તારમાં રહેતા હીનાબેન મહેશભાઈ મૂછડિયા (20) નામની યુવતી કોઈ કારણોસર ઝેરી દવા પી જતાં તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

મારામારીમાં ઇજા

મોરબીના વીસીપરા વિસ્તારમાં રહેતા અહેમદ હુસેનભાઈ ભટ્ટી (38) નામના યુવાનને મારામારીના બનાવમાં ઈજા થઈ હતી જેથી તેને સારવાર માટે 108 મારફતે મોરબી સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપીને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.