મોરબીની માળિયા વનાળીયા સોસાયટીમાં રહેતી મહિલા પોતાના ઘરે ઘરઘંટી બંધ કરતી હતી ત્યારે તેને ઇલેક્ટ્રીક શોટ લાગ્યો હતો. જેથી કરીને તે પડી જતા તેને માથામાં ઈજા થઈ હતી જેથી કરીને મહિલાને સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવની મોરબી બી ડિવિઝન પોલીસને જાણ કરતા પોલીસે બનવાની નોંધ કરી આગળની કાર્યવાહી હાથ ધરી છે.

બનાવની જાણવા મળતી માહિતી મુજબ મોરબી શહેરના સામાકાંઠા વિસ્તારમાં આવેલ માળિયા વનાળીયા સોસાયટીમાં રહેતા મીનાબેન બાબુભાઈ બારોટ (35) નામના મહિલા પોતે પોતાના ઘરે હતા ત્યારે ઘરે ઘરઘંટી બંધ કરતાં સમયે તેને ઇલેક્ટ્રીક શોટ લાગ્યો હતો જેથી કરીને ઇલેક્ટ્રીક શોટ લાગતા તે પડી ગયા હતા અને ત્યારે તેને માથાના ભાગે ઇજા થઈ હતી. જેથી તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા. અને ત્યાં તેને સારવાર આપ્યા બાદ વધુ સારવાર માટે મહિલાને મોરબીની ખાનગી હોસ્પિટલમાં ખસેડવામાં આવેલ છે. અને આ બનાવની મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.

વૃદ્ધ સારવારમાં

હળવદના માનગઢ ગામે રહેતા ભુદરભાઈ શંકરભાઈ પટેલ (73) નામના વૃદ્ધ મોરબીના મહેન્દ્રનગર ગામ પાસેથી બાઈકમાં પાછળના ભાગે બેસીને પસાર થઈ રહ્યા હતા ત્યારે અકસ્માતે બાઈક સ્લીપ થયું હતું અને જેથી કરીને તેઓને ઇજા થઈ હતી જેથી કરીને તેને સારવાર માટે મોરબીની ખાનગી હોસ્પિટલમાં લાવ્યા હતા. અને ત્યાં તેને સારવાર આપીને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે

બાઇક સ્લીપ

મોરબીના ઘુનડા ખાનપર ગામે રહેતા નીતિનભાઈ નાગજીભાઈ જીવાણી (46) નામનો યુવાન મોરબી માળિયા હાઇવે રોડ ઉપર આવેલ ઉમિયા પરોઠાની સામેથી બાઈક લઈને પસાર થતો હતો ત્યારે કોઈ કારણોસર બાઇક સ્લીપ થયું હતું જેથી કરીને તેને ઈજા થતા ઇજા પામેલા યુવાનને મોરબીની ખાનગી હોસ્પિટલમાં લાવ્યા હતા અને આ બનાવની મોરબી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે આ બનાવની પ્રાથમિક તપાસ હિતેશભાઈ મકવાણા દ્વારા કરવામાં આવી હતી.