મોરબીના ઉંચી માંડલ ગામે લેન્ડ ગ્રેબિંગની ફરિયાદ નોંધાયેલ તે હાઈકોર્ટે રદ કરી
Morbi Today
મોરબીમાં મૈત્રી કરાર કરનાર યુવાનના મિત્રને છરીનો ઘા ઝીકવાના ગુનામાં વધુ એક આરોપીની ધરપકડ
SHARE
JOIN OUR GROUP
મોરબીમાં મૈત્રી કરાર કરનાર યુવાનના મિત્રને છરીનો ઘા ઝીકવાના ગુનામાં વધુ એક આરોપીની ધરપકડ
મોરબી નજીક સીરામીક કારખાનામાં રહેતા પરણિત યુવાન અને પરિણીતાને મનમેળ હતો જેથી તે બંને સાથે રહેતા હતા તે બાબતે સમાધાન કરવા માટે યુવાનને યુવતીની માતાએ બોલાવ્યો હતો જેથી યુવાન તેના મિત્ર સાથે કારખાનાના દરવાજા પાસે ગયો હતો ત્યારે યુવતીની માતાએ યુવાનને ગાળો આપી હતી અને માર માર્યો હતો અને ત્યારે યુવાનને બચાવવા માટે થઈને વચ્ચે પડેલ તેના મિત્રને પીઠના ભાગે છરીનો એક ઘા મારવામાં આવ્યો હતો જેની ફરિયાદ આધારે પોલીસે પહેલા ત્રણ આરોપીને પકડ્યા હતા અને હાલમાં વધુ એક આરોપીને પકડવામાં આવેલ છે.
મોરબીના ઘુટુ ગામ નજીક આવેલ લાઇકોસ બાથવેર નામના કારખાનાના લેબર કવાર્ટરમાં રહેતા અને ત્યાં મજૂરી કામ કરતા નિલેશભાઈ નાજાભાઇ પંચાલ જાતે અનુ. જાતિ (24) નામના યુવાને મોરબી તાલુકા પોલીસ સ્ટેશન ખાતે વિનુબેન છનાભાઇ સોલંકી, રોહિતભાઈ મોતીભાઈ ડાભી, હસમુખભાઈ શીવાભાઈ પરમાર અને અશ્વિનભાઈ છનાભાઇ સોલંકીમો સામે ફરિયાદ નોંધાવેલ હતી કે, આરોપી વિનુબેનની દીકરી અરુણા ઉર્ફે કિંજલની સાથે તેને મનમેળ હોય બંને મૈત્રી કરાર કરીને સાથે રહેતા હતા જે બાબતે સમાધાન કરવા માટે થઈને આરોપીઓએ યુવાનને બોલાવ્યો હતો. જેથી યુવાન કારખાનાના ગેટ પાસે ગયો હતો ત્યારે તેની સાથે અરૂણા અને તેનો મિત્ર સાગર ઉર્ફે રાહુલ પણ સાથે હતો વિનુબેને ફરિયાદીને ગાળો આપીને મારમાર્યો હતો અને તે સમયે અરુણાબેન અને સાગર વચ્ચે બચાવવા માટે થઈને પડ્યા હતા.
ત્યારે આરોપી વિનુબેનની સાથે રહેલા તેના બે જમાઈ અને એક દીકરાએ યુવાન અને તેના મિત્રને માર માર્યો હતો. ત્યારે આરોપી રાહુલ ડાભીએ સાગરને પીઠના ભાગે છરીનો એક ઘા માર્યો હતો. જેથી સાગરને ગંભીર ઇજા કરી હતી. જેથી ઇજા પામેલા સાગરને તાત્કાલિક સારવાર માટે હોસ્પિટલ લઈ ગયા હતા અને તેને હોસ્પિટલે સારવાર આપ્યા બાદ આ બનાવની નિલેશભાઈ પંચાલ દ્વારા નોંધવામાં આવેલ ફરિયાદ આધારે પોલીસે આ ગુનામાં પહેલા પીએસઆઈ ડી.ડી.જોગેલા અને તેની ટીમે આરોપી વિનુબેન સનાભાઇ સોલંકી, હસમુખભાઈ શીવાભાઈ પરમાર અને રોહિતભાઈ મોતીભાઈ ડાભીની ધરપકડ કરી હતી અને હાલમાં આ ગુનામાં પોલીસે આરોપી અશ્વિનભાઈ છનાભાઇ સોલંકી (23) રહે. હાલ સુંદરપૂરી તલાવડી વિસ્તાર ગાંધીધામ મૂળ રહે. મહેસાણા વાળાની ધરપકડ કરીને આગળની કાર્યવાહી કરેલ છે.
