રક્ષાબંધન એસટીને ફળી: મોરબી ડેપોમાં એક જ દિવસમાં 4.73 લાખની આવક
Morbi Today
મોરબીના ઉંચી માંડલ ગામે લેન્ડ ગ્રેબિંગની ફરિયાદ નોંધાયેલ તે હાઈકોર્ટે રદ કરી
SHARE
JOIN OUR GROUP
મોરબીના ઉંચી માંડલ ગામે લેન્ડ ગ્રેબિંગની ફરિયાદ નોંધાયેલ તે હાઈકોર્ટે રદ કરી
મોરબી તાલુકા પોલીસ સ્ટેશને લેન્ડ ગ્રેબિંગ અને બનાવટી દસ્તાવેજની ખરા તરીકે ઉપયોગ કરવાની ફરિયાદ નોંધાયેલા હતી જે કેસમાં આરોપી વલમજીભાઈ ભુદરભાઈ કાલરીયા અને પરેશ ધનજીભાઈ પાંચોટિયા સામેની સમગ્ર ફરિયાદ હાઈકોર્ટે રદ કરી નાખી છે જેથી કરીને બંને આરોપીનો નિર્દોષ છુટકારો થયો છે.
મોરબીના ઉંચી માંડલ ગામે સર્વે નં ૧૨૬/૧ પૈકી ૧ ની જમીનમાંથી આશરે ૧૫૫૦ ચો.મી. વાળી જમીન પર આરોપીઓ વલમજીભાઈ ભુદરભાઈ કાલરીયા અને પરેશભાઈ ધનજીભાઈ પાંચોટિયા રહે. બંને મોરબી વાળાએ જમીન પચાવી પાડવાના આશયથી ફરિયાદી અને સાહેદોની જાણ બહાર બનાવટી સંમતી પત્ર બનાવી નગર નિયોજકમાં લે આઉટ પ્લાન મંજુર કરાવી જમીનનો વપરાસી હક્ક દર્શાવવા બનાવટી દસ્તાવેજોનો ખરા તરીકે ઉપયોગ કરી ગેરકાયદે કબજો કરી જમીન પચાવી પાડી છે તેવી ફરિયાદ નોંધાઈ હતી.
જે કેસમાં આરોપીઓએ તેના વકીલ મારફતે ગુજરાત હાઈકોર્ટમાં બી.એન.એસ.એસ.ની કલમ ૫૨૮ હેઠળ કન્સાઈટ ક્વોસિંગ પીટીશન ફાઈલ કરી હતી. ગુજરાત હાઈકોર્ટે બંને પક્ષકારોની રજૂઆતને ધ્યાને લઈને હવે બંને પક્ષકારો વચ્ચે કોઈ તકરાર ન હોય અને સમગ્ર સમાજનું હિત ધ્યાને લઈને વિવિધ કેસના જજમેન્ટ ટાંકી મોરબી તાલુકામાં થયેલ ફરિયાદ અને તમામ પ્રોસીડીંગ રદ કરવાનો હુકમ કર્યો હતો અને આરોપીઓને છોડી મુકવાનો હુકમ કર્યો છે આ કેસમાં ગુજરાત હાઈકોર્ટના એડવોકેટ એમ.કે. પંડ્યા, જીલ્લાના સીનીયર એડવોકેટ દિલીપ આર. અગેચણીયા, જીતેન ડી. અગેચણીયા, જે.ડી. સોલંકી, રવિ ચાવડા, કુલદીપ જીજવાડીયા, ક્રિષ્ના જારીયા અને ઉષા બાબરિયા રોકાયેલ હતા
