વાંકાનેરના વરડૂસર તળાવમાં ન્હાવા પડેલા આધેડને હાર્ટ અટેક આવતા પાણીમાં ડૂબી જવાથી મોત

વાંકાનેર તાલુકાના જામસર ગામે રહેતા આધેડ વરડૂસર ગામના તળાવના પાણીમાં ન્હાવા માટે ગયા હતા ત્યારે ત્યાં તેને હાર્ટ અટેક આવી જતા પાણીમાં ડૂબી જવાના કારણે તેનું મોત નીપજ્યું હતું ત્યારબાદ તેના મૃતદેહને પીએમ માટે સરકારી હોસ્પિટલ ખાતે લઈને આવ્યા હતા અને આ બનાવની ગામના સરપંચ મારફતે વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ વાંકાનેર તાલુકાના જામસર ગામે રહેતા રાજાભાઈ બચુભાઈ દંતેશરિયા (50) નામના આધેડ વરડુસર ગામના તળાવમાં પાણીમાં ન્હાવા માટે પડેલ હતા દરમિયાન તેને હાર્ટ અટેક આવી જવાના કારણે તેનું પાણીમાં ડૂબી જવાથી મોત નીપજ્યું હતું જેથી કરીને આ બનાવની વરડુસર ગામના સરપંચ મનુભાઈ પ્રભુભાઈ નંદાસિયા દ્વારા વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને મૃતકના મૃતદેહને પીએમ માટે સરકારી હોસ્પિટલ ખાતે લઈને આવ્યા હતા આ બનાવ અંગેની આગળની તપાસ એચ.આર. ચૌહાણ ચલાવી રહ્યા છે

એક બીયર સાથે પકડાયો

મોરબીના શનાળા રોડ ઉપર મહેશ પાન વાળી શેરીમાંથી પસાર થયેલા શખ્સને રોકીને પોલીસે ચેક કરતા તેની પાસેથી બિયરનું એક ટીન મળી આવ્યું હતું જેથી પોલીસે 118 રૂપિયાની કિંમતનું બીયરનું ટીમ કબજે કર્યું હતું અને વિજયભાઈ આપાભાઈ ગરચર (32) રહે, લીલાપર રોડ ઓમકાર રેસીડેન્સી ફ્લેટ નંબર 204 મોરબી વાળાની ધરપકડ કરી હતી અને તેની સામે એ ડિવિઝન પોલીસ સ્ટેશન ખાતે ગુનો નોંધવામાં આવ્યો છે