હળવદના રણજીતગઢ નજીક કાર ચાલકે હડફેટે લેતા યુવાનનું મોત

હળવદથી માળીયા તરફ જવાના રસ્ત ઉપર રણજીતગઢ ગામના પાટિયા નજીક રાહદારી યુવાનને કાર ચાલકે હડફેટે લેતા યુવાનનું મોત નીપજયું હતું જેથી કરીને હાલમાં મૃતક યુવાનના પિતાએ કાર ચાલક સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે.

જાણવા મળતી માહિતી મુજબ હળવદનાના પાંડાતીરથ ગામે બાબુભાઇ બનુભાઈ ગોહિલની વાડીએ રહેતા અને મજૂરી કામ કરતાં મૂળ છોટાઉદેપુર જિલ્લાના રહેવાસી સતિષભાઈ મગનભાઈ તડવી નામનો યુવાન વાડીએથી કામ સબબ બહાર ગયો હતો ત્યારે રણજીતગઢ ગામના પાટિયા પાસેથી તે ચાલીને જતો હતો ત્યારે કાર નંબર જીજે 13 સીડી 7153 ના ચાલકે તેને હડફેટે લીધો હતો જેથી કરીને આ યુવાનને ઇજાઓ થયેલ હતી અને યુવાનને સારવાર માટે હળવદ બાદ મોરબી અને ત્યાંથી રાજકોટ સુધી લઈને ગયા હતા જો કે, સારવાર કારગત ન નિવડતા તે યુવાનનું રાજકોટ ખાતે સારવાર દરમ્યાન તે યુવાનનું મોત નીપજયું હતું જેથી આ બનાવ સંદર્ભે મૃતક યુવાનના પિતા મગનભાઇ કાભયભાઇ તડવીની ફરિયાદ લઈને કાર નંબર જીજે 13 સીડી 7153 ના ચાલક સામે ગુનો નોંધીને આરોપીને પકડવા માટે તજવીજ શરૂ કરી છે.