મોરબીમાં બની રહેલા ઓવરબ્રિજના ખાડામાં કાર ખાબકી, કોઈ જાનહાનિ નહીં

મોરબી ગઇકાલે નટરાજ ફાટક પાસે આવેલ કેશર બાગમાં ઓવરબ્રિજના પિલ્લર માટે ખોદવામાં આવેલા ખાડામાં એક કાર ખાબકી હતી જો કે, આ ઘટનામાં કોઈ જાનહાની થયેલ નથી અને ખાડામાં પડેલ કારને ક્રેનની મદદથી બહાર કાઢવામાં આવેલ છે.

મોરબીના નટરાજ ફાટક પાસે કેશર બાગમાં ઓવરબ્રિજના પિલ્લર ઊભા કરવા માટેનું કામ છેલ્લા ઘણા સમયથી ચાલી રહ્યું છે અને પિલ્લર ભરવા માટે જે ખાડો ખોદવામાં આવેલ છે તેમાં ગઇકાલે રાતના સમયે એક કાર કોઈ કારણોસર પડી હતી જેથી કરીને ક્રેનની મદદથી આ કારને બહાર કાઢવાં આવી હતી અને સ્થાનિક લોકો પાસેથી મળી રહેલ માહિતી મુજબ હોન્ડા સીટી કારના ચાલકે તેની કારના સ્ટેટિંગ ઉપરથી કાબુ ગુમાવતા કાર સીધી જ ઓવરબ્રિજના પિલ્લર માટે ખોદવામાં આવેલ ખાડામાં ભરાયેલ પાણીમાં પડી હતી.