મોરબી મહેન્દ્રનગર ચોકડી ઓવરબ્રીજનું અધુરું કામ પૂરું કરવા સીએમને રજૂઆત

મોરબી મહેન્દ્રનગર ચોકડી છેલ્લા ઘણા વર્ષોથી ઓવરબ્રીજનું કામ ચાલુ કરવામાં આવ્યું છે જો કે, આ અધુરું કામ પૂર્ણ કરવા આવતું જ નથી જેથી કરીને ટંકારાના વીરપર ગામે રહેતા સામાજિક કાર્યકરે સીએમને લેખિત રજૂઆત કરીને કામને વહેલી તકે પૂરું કરવામાં આવે તેવી માંગ કરી છે.

વીરપર ગામે રહેતા સામાજિક કાર્યકર હસમુખભાઈ ગઢવીએ સીએમ ભૂપેન્દ્રભાઈ પટેલને જે રજૂઆત કરેલ છે જેમાં તેને જણાવ્યુ છે કે, મહેન્દ્રનગર ચોકડી ઓવરબ્રીજનું કામ છેલ્લા ઘણા સમયથી કરવામાં આવી રહ્યું છે જો કે, અધુરું કામ પૂરું કરવામાં આવતું નથી જેથી કરીને ત્યાં સતત ધૂળની ડમરીઓ ઊડતી હોય છે અને સિરામિક ઉદ્યોગનો ટ્રાફિક ત્યાં હોવાથી વાહન ચાલકો પણ હેરાન થઈ ગયેલ છે. અને આ ચોકડી જેતપર તેમજ હળવદ સુધી આવતા જતાં વાહનો માટેનો મુખ્ય રસ્તો છે જેથી મહેન્દ્રનગર ચોકડીથી આવતા જતાં વાહન ચાલકો સહિતના લોકો ત્રાહિમામ પોકારી ગયેલ છે ત્યારે ઓવરબ્રીજની ડિઝાઈનમાં ફેરફાર કરવો, સ્પાનની સંખ્યા વધારી બંધ ઓવરબ્રીજની કામગીરી સત્વરે પૂરું કરવામાં આવે તેવી માંગ કરી છે.